MARCOS 9:7 - Zapotec Santa María Quiegolani

⁷ Orguin wyab te bëw, wrëlo Ne yra Ne men. Lad bëw guin wlen te rëz ne re: ―Laa XPee noo nee ne ryaan noo; gugon xdiiz mee.

MARCOS 9:7 ပူးပေါင်းရင်းမြစ်များ

2 PEDRO 1:17

Chene wdee Dëdyuzh Xuz be gyelnon lo Ne no le gyelenzoon, wlen te rëz ne kesentyent nzoon gyeybaa, re we: “Laa XPee noo nee ne ryaan noo no ne kesentyent rnesak lextoo noo.”

MATEO 3:17

no wlen te rëz gyeybaa, re we: ―Laa XPee noo nee ne ryaan noo no ne kesentyent rnesak lextoo noo.

MARCOS 1:11

no wlen te rëz gyeybaa, re we: ―Laa de nak XPee noo ne ryaan noo; kesentyent rnesak de lextoo noo.

APOCALIPSIS 1:7

Gukwii gante, schiid Ne lad bëw; yrandxee mén kwii Ne, axtegue mén ne wbib lans led Ne kwii Ne, no yrandxee mén ne nuu ydendxee gyëzlyu baanske goon men chene kwii men Ne. Nli we, zenga gako.

HEBREOS 2:1

Por neguin nak ne mazre tsulyaaz be ykagyedyag be yra diiz ne che won be, chen ysalzaandet be ne rlaleedx be Jesucrist.

JUAN 20:31

Per wkaa yra neree chen ylaleedx de yra de ne Jesus nak Crist XPee Dëdyuzh no chen chene ylaleedx de Ne, gap de gyelembán ne nunk luzhdet.

JUAN 6:69

No che rlaleedx noo de yra noo no nan noo ne laa de nak Crist XPee Dëdyuzhmbán.

JUAN 1:34

Le noo che wii men, por neguin rzëët noo ne XPee Dëdyuzh nak men.

1 JUAN 5:20

No nan ke be ne wdxiid Jesucrist XPee Dëdyuzh gyëzlyu, laa Ne wseleedx gyelenyenii lo be chen ynebeey be mer Dëdyuzh. No tese nak be lo Dëdyuzh por Jesucrist XPee Ne. Laa Ne nak mer Dëdyuzh no por laa Ne nuu gyelembán ne nunk luzhdet.

ROMANOS 1:4

per por Espíritu Sant waknyoo ne XPee Dëdyuzh nak Ne chene wban Ne por xpoder Dëdyuzh.

HECHOS 8:36

Zhich guin chene wdxiin men yrup men Blib te ledne nuu nis, re men lo Blib: ―Nee nuu nis; ¿pe gakdet yrobnis noo?

HECHOS 7:37

Laake Moises nga re lo yra men-Israel: “Dëdyuzh ylaa ne lad ke de yra de yruu te men ne gak profet ne gak zegnak noo; gon de xdiiz men.”

HECHOS 1:9

Chene wluzh re Jesus yra diizree, myentras kawii men yra men lo Ne, wyepgya Ne wrël bëw Ne, wnitlo Ne lad bëw, wiidetre men Ne.

JUAN 19:7

Wke yra men-Israel, re men: ―Noo yra noo rap noo xley noo; lo xley noo nak ne zëëd ne rzëël guet men, porke laake men rlaa men XPee Dëdyuzh.

JUAN 9:35

Waknan Jesus ne wboo men mgyeey guin lenydoo, lex chene wzëël Ne men, re Ne lo men: ―¿Pe rlaleedx de XPee Dëdyuzh?

JUAN 5:37

No ke Dëdyuzh Xuz noo ne wxaal noo zëëd noo wzëët xkwent noo. Nunk gardet gon de xrëz me, ni gardet kwii de me,

JUAN 5:18

Por neguin mazre rlaan men-Israel yket men Ne, let nozdet por gyelmilaguer ne rlaa Ne dxe ne rne men-Israel, sinke no por ne rnegalal Ne Ne Dëdyuzh ne rzëët Ne ne Dëdyuzh nak Xuzpee Ne.

JUAN 1:49

Lex re Natanael: ―Maxter, laa de nak XPee Dëdyuzh, laa de nak xerrey men-Israel.

MATEO 27:54

Ne wii kapitan yra men soldad ne ndxin rapkwent Ne ne kani lyu no le yra neguin ne kayak, kesentyent wdxe men, re men: ―Nli ne XPee Dëdyuzh nak ménree.

MATEO 27:43

Belne wkalo men Dëdyuzh, yselaa Dëdyuzh men nabes belne nli ryaan Dëdyuzh men; porke re men XPee Dëdyuzh nak men.

MARCOS 9:6

Per ni laa Bëd nandet gan pe rnii Bëd, tant rdxe Bëd yra Bëd xkompanyer Bëd.

MARCOS 9:8

Le chene wii men ledne zu Ne yra Ne mén guin, rutre wiidet men, nonchee laa Ne zu nga.

LUCAS 3:22

wyët Espíritu Sant zegnak te mëër, wyab Ne led Jesus, no wlen te rëz gyeybaa, re we: ―Laa de nak XPee noo ne ryaan noo; kesentyent rnesak de lextoo noo.

JUAN 12:28

Lex re Ne: ―Dëde, guluu xgyelenzoon de lo yra ménree. Orguin wlen te rëz gyeybaa, re we: ―Che wluu noo we, per sluu noo we ste.