MARCOS 9:21 - Zapotec Santa María Quiegolani

²¹ Lex wnabdiiz Ne lo xuz mee, re Ne: ―¿Pa axtegue or wlen ne rzak me zeree? Lex re xuz mee: ―Axtegue ne win mee.

MARCOS 9:21 ပူးပေါင်းရင်းမြစ်များ

HECHOS 9:33

Nga wdxiin Bëd ledne nex te mgyeey ne rzhuun ne la Eneas. Che wzaa xun iz noze waknet led men.

HECHOS 14:8

Listra nuu te mgyeey ne ngyidet nii axtegue ne wal men, nuudet saa men; zobchee men nga,

HECHOS 4:22

Mgyeey guin ne wyaken por gyelmilaguer guin ne wak, mazdee txuplal iz rap men.

HECHOS 3:2

Nga ruydoo zob te mgyeey ne ngyidet nii axtegue ne wal men. Yzaandxee dxe ra mén razoob mén mgyeey guin ruydoo ledne ka yaglaa ne la Zhaandxee, chen ynab men goon lo yra mén ne rdee lenydoo.

JUAN 9:1

Ne wdee Jesus te lugar, wii Ne zu te mgyeey ne cheguel ngwlëë axtegue ne wal men.

LUCAS 13:16

Le wnaaree naa ne zëëd xnëz Abraham ne che wzaa chimtson iz rlaa Bzelo ne rzhuun men, ¿peguin nuudet gyaken men dxe ne rne be?

LUCAS 8:43

Lad yra mén guin za te wnaa ne rzhuun, che wzaa chibtxup iz ryab men ren, no che wluzh men yra ne rap men por ne ra men lo doctor; per ni te men wundet gan nneseyaken men.

MARCOS 5:25

Nga zu te wnaa ne rzhuun, che wzaa chibtxup iz ryab men ren.

MARCOS 9:20

Lex wdxig men me lo Ne. Chene wii menzab Ne, wlaa menzab ne wlen gyiz guin ste. Orguin wkantaa me lyu, noze rdebxtaa mee, no noze rlen fchiin ruu mee.

MARCOS 9:22

No ndal tir rsee menzab me lo gyi no le lo nis chen guet mee. Por neguin belne gun de gan yneseyaken de mee, gules lextoo de noo, gugun xyudar noo yrup noo mee.