MARCOS 8:11 - Zapotec Santa María Quiegolani

¹¹ Wa tebëd men ne nak farisew lo Jesus, wzelo men rdildiiz men Ne, no por ne ylaa men Ne preb, wnab men lo Ne ne ylaa Ne te gyelmilaguer chen gyakbeey gan pe nli ne Dëdyuzh wxaal Ne.

MARCOS 8:11 ပူးပေါင်းရင်းမြစ်များ

1 CORINTIOS 10:9

Ni ylaadet be Dëdyuzh preb zegne wlaa gwrol mén guin, por neguin wu mëël led men wet men.

MATEO 12:38

Lex re tebëd men ne nak farisew lo Jesus no le tebëd maxter ley: ―Maxter, rlaan noo kwii noo ne ylaa de te gyelmilaguer.

JUAN 4:48

Lex re Ne lo men: ―Laa de yra de belne bet gyelmilaguer kwiidet de, bet ylaleedxdet de.

LUCAS 11:16

Nuuzeg men por ne ylaa men Ne preb, wnab men lo Ne ne ylaa Ne te gyelmilaguer chen gyakbeey gan pe nli ne Dëdyuzh wxaal Ne.

HECHOS 5:9

Lex re Bëd lo men: ―¿Penak wuu de diiz yrup de xemgyeey de ne rlaan de ykade de Espíritu Sant? Wa zëëd yra men ne walugyeer xemgyeey de; orree gweey ke men de no de.

JUAN 7:48

¿Peguin nuu men ne nak xextis be u nuuzeg be ne nak be farisew che wlaleedx men?

JUAN 6:30

Lex re men: ―¿Pe gyelmilaguerzhe ylaa de ne kwii noo chen ylaleedx noo de? ¿Pagox run de gan rlaa de?

LUCAS 10:25

Wa te maxter ley wanii men lo Jesus gan pe gue Ne, wnabdiiz men lo Ne, re men: ―Maxter, ¿pagox rap noo degne ylaa noo chen gap noo gyelembán ne nunk luzhdet?

MARCOS 12:15

Per kom nan Jesus ne noze rkanlo men wen men, lex re Ne lo men: ―¿Penak rye de gan pezee gyab noo lo xetramp de? Gutano te med kwii noo.

MARCOS 2:16

Ne wii maxter ley yra men men ne nak farisew ne zobyu Ne yra Ne mén guin, re men lo xpén Ne: ―¿Penak ru xmaxter de yra men men ne rgoob zeg impwest no le yra men mendol?

MATEO 22:23

Dxe ke guin, wa tebëd men ne nak sadusew lo Jesus. Kom rlaleedxdet men ne sban mengut, por neguin re men lo Ne:

MATEO 22:18

Per kom wyenen Jesus ne ngyidet ne rlebleedx men, lex re Ne lo men: ―Gugannaa laa de wen, ¿penak rye de gan pezee gyab noo lo xetramp de?

MATEO 22:15

Zhich guin sya yra men ne nak farisew, wyan men diiz gan pezee gue men lo Jesus chen gan pe gue Ne chen tsël gan pezee ykagyii men Ne.

MATEO 21:23

Lex wa Jesus lenxeydoo Dëdyuzh; or ne kaneluu Ne mén, wbig yra fxuz ne rnebééy lo yra fxuz yra men men ne rnebééy lo men-Israel, wnabdiiz men lo Ne, re men: ―¿Txu wkyeen de ne rlaa de neree? ¿Txu wnebééy lo de ne rlaa do?

MATEO 19:3

Lex wbig tebëd men ne nak farisew lo Ne por ne ylaa men Ne preb; wnabdiiz men lo Ne, re men: ―¿Pe zak ychil xgyeltsëlnya me yrup me xewnaa me por kwaskyertee kos?

JUAN 8:6

Re men neree lo Ne chen gan pe gue Ne, chen tsël gan pezee ykagyii men Ne. Orguin wzobndeslo Ne wzelo Ne rkaa Ne leter lyu kon xkwen Ne.

MARCOS 9:16

Lex wnabdiiz Ne lo men, re Ne: ―¿Pe kwentzhe rdildiiz de?