MARCOS 4:2 - Zapotec Santa María Quiegolani

² Ndal ne wneluu Ne men, teblose zegnak kwent wneluu No. Or ne kaneluu Ne men, re Ne:

MARCOS 4:2 ပူးပေါင်းရင်းမြစ်များ

MARCOS 4:11

Lex re Ne lo men: ―Laa de yra de, Dëdyuzh wniiz si ne gaknan de logne ngueedx ne rkyeen Ne; per le yra men ne nakdet xpén noo, yrandxee ne rzëët noo lo men, teblose zegnak kwent rzëët noo we;

MARCOS 3:23

Lex wbëz Jesus men yra men, re Ne lo men: ―¿Pezee gak koo Bzelo laake sebzelo Bzelo lextoo mén?

MATEO 13:10

Lex wbig yra xpén Jesus lo Ne, re men: ―¿Penak rzëët de xdiiz Dëdyuzh lo mén zegnak te kwent?

MATEO 13:3

Lex wzelo Ne wzëët Ne ndal diiz lo men zegnak te kwent, re Ne: ―Te dxe wruu te mén ne rguu bni, zalabni men zhobxtil.

MARCOS 12:38

Or ne kaneluu Jesus mén, re Ne lo men: ―Gugap maxter ley kwent, porke rtseleedx men gak men lërngool, no rtseleedx men ne kon gyelenzebnëz gabtyuzh mén men nes lgyeey,

MATEO 7:28

Chene wluzh wnii Jesus, wzee wzak yra mén por yra ne wneluu Ne.

JUAN 18:19

Wzelo fxuz ne mazre nondee wnabdiiz men lo Jesus xkwent xpén Ne no le xkwent ne rneluu Ne.

MARCOS 4:3

―Gugon neree gante: Te dxe wruu te mén ne rguu bni, zalabni men zhobxtil.

MARCOS 10:1

Wruu Jesus Capernaum za Ne stebkoo gyow-Jordán, wdxiin Ne lo lyu ne la Judea. Nga wdop mén lo Ne ste, lex wzelo Ne wneluu Ne men zegnak xkoxtumber Ne.

MARCOS 12:1

Wzelo Jesus wuu Ne zegnak te kwent lo men yra men, re Ne: ―Wuu te mgyeey ne wlabni blag ub lo xelyu, lex wtsëloo meno, no wzhexkwaa men te ledne yzhii ub, no wlep men te ne kesentyent gya ledne kwiin men ne ykanapo ydendxoo. ’Zhich guin wbodiin men blag ub guin lo tebëd mén ne rapkwent blag ub. Lex wruu men za men nat.