MARCOS 16:18 - Zapotec Santa María Quiegolani

¹⁸ gob men mëël kon nya men; belne goo men ne nuu ngwaan, bet sakdet men; yxob nya men led mengyiz, no syaken mengyiz. Yra beeyree ylaa yra men ne ylaleedx noo.

MARCOS 16:18 ပူးပေါင်းရင်းမြစ်များ

LUCAS 10:19

Noo wniiz poder lo de chen gyichnii de mëël no gyichnii de mëkuu no chen gun de gan ykuudx de ne mal, sin ne bet sakdet de.

HECHOS 19:12

Axtegue bayles o lër ne rdee led Pabel, reey méno por mengyiz no ryaken mengyiz no rruu menzab ne nuu lextoo men.

HECHOS 4:30

no guseleedx xpoder de lo men chen yneseyaken men mengyiz no chen ylaa men gyelmilaguer por la Jesus XPee de ne rlaadet dol.

HECHOS 3:16

Ménree ne rwii de no ne rnebeey de, por la Jesus wuu fwers nii men no por ne wlaleedx men Jesus, wyaken men nes lo de yra de.

HECHOS 9:34

Lex re Bëd lo men: ―Eneas, Jesucrist che wneseyaken de; gutsaxee, gulaxnëz lo xloon de. Orgueguin waxee Eneas.

HECHOS 3:12

Ne wii Bëd wdop yra mén guin, re Bëd lo men: ―Men-Israel, ¿penak rzee rzak de por neree? ¿Penak rwii de lo noo yrup noo zeg noo leg wlaa ne wyaken ménree? ¿Pe nuu lextoo de por xpoder noo u por ne mbán noo zegne rlaan Dëdyuzh wlaa ne rzaa men?

MARCOS 5:23

Kesentyent wnab men lo Ne, re men: ―Le xsaap noo che kaluzhlo. Yoo tsa be yxob nya de led nzeb chen gyaken nzeb no chen ybánre nzeb.

ROMANOS 16:20

Wyob ylaa Dëdyuzh ne rseleedx gyelendxi ne ykuudx de Bzelo. Jesucrist gaknonen de yra de.

1 CORINTIOS 12:9

por Espíritu Sant ke nak ne nuu mén neden ne kesentyent rlaleedx men Dëdyuzh, por Espíritu Sant ke nak ne nuu mén neden ne rlaa men rmed mengyiz.

HECHOS 4:10

Yzëët noo we lo de chen gaknan do no chen gaknan yrandxee men-Israel gan pezee wyaken ménree ne zu lo de yra de: Wyaken men por la Jesucrist zhan-Nazaret; wkaa de zhaa lo kruz, per wneban Dëdyuzh zhaa.

HECHOS 4:22

Mgyeey guin ne wyaken por gyelmilaguer guin ne wak, mazdee txuplal iz rap men.