MARCOS 12:14 - Zapotec Santa María Quiegolani

¹⁴ Chene wdxiin men lo Jesus, re men: ―Maxter, nan noo yra noo ne nli ne rnii de, zadet lextoo de gan txu nak mén porke por laa de tese nak mén. Laa de si rneluu de ne ybán mén zegne rlaan Dëdyuzh. Guna gan ¿pe wen gyizh noo zeg impwest lo rrey-Roma u wendeto? ¿Pe ryal gyizh noo we u ryaldeto?

MARCOS 12:14 ပူးပေါင်းရင်းမြစ်များ

1 TESALONICENSES 2:4

sinke le noo rzëët xdiznzoon Jesucrist zegne wye Dëdyuzh noo yra noo ne yzëët noo we lo mén; laa diiz guin nak ne rzëët noo. Rlaadet noo ne sak lextoo mén, sinke le noo rlaa ne rzak lextoo Dëdyuzh ne nan pe nuu lextoo te te mén.

GÁLATAS 2:6

Le yra men guin ne rnii mén men ne rnebééy, betlel ne kweb wzëëdet men lo noo ne ylaa noo. Per noo bet lyaaz nuudet noo gan txu nak men, porke por Dëdyuzh tese nak yra mén.

GÁLATAS 1:10

Noo ryedet noo gan pezee gyan noo wen nes lo mén, sinke le noo rye gan pezee gyan noo wen nes lo Dëdyuzh; belne nako ne rye noo gan pezee gyan noo wen nes lo mén, che nakdetre noo men ne rlaa xdxiin Jesucrist.

2 CORINTIOS 5:16

Por neguin naaree che rwiidetre noo gan pezee nak mén o gan txu nak men; mase zenga wii noo Jesucrist chekwlo, wii noo Ne zegnak noze mén, per naaree che rlaadetre noo zenga.

2 CORINTIOS 5:11

Por neguin naaree ne che nan noo ne slaa Dëdyuzh gyelextis, rye noo gan pezee ylaleedx mén Ne. Laa Ne nan Ne gan pezee nak noo yra noo; naal pezee no de che nan gan pezee nak noo.

2 CORINTIOS 2:17

Noo yra noo rzëëdet noo xdiiz Dëdyuzh noze por ne gun noo gan med zegne rlaa ndal mén, sinke le noo rzëëto ydebgyiky ydeblextootee noo nes lo Dëdyuzh zegne wxaal Ne noo ne yzëët noo we ne nak noo xpén Jesucrist.

2 CORINTIOS 2:2

Porke belne gunles noo lextoo de, ¿txuzh nak ne ylaa ne yzhiilen noo belne let laadet de yra de nak ne ylaa we?

JUAN 7:18

Mén ne rnii noze xkwent men, rlaa meno chen saknon mén men; per le men ne rye gan pezee saknon mén Dëdyuzh ne wxaal men zëëd men, men guin rnii teblose diznli, nunk rkadedet men.

ROMANOS 13:6

Por neguin rgyizh de zeg impwest lo xtis porke laa Dëdyuzh wseleedx dxiinree lo men, no laapee we nak xdxiin men.

LUCAS 23:2

Nga wzelo men rkagyii men Ne, re men: ―Wga ménree lo noo kagoots men xtoo menlaz noo, no na men ne ryaldet guezh zeg impwest lo rrey-Roma, no na men ne laa men nak Crist no ne laa men nak te rrey.

LUCAS 20:22

Guna gan ¿pe wen gyizh noo zeg impwest lo rrey-Roma u wendeto?

MARCOS 14:45

Zegne wdxiin Judas, wbiggue Judas lo Jesus, re Judas: ―Maxter, Maxter. Lex woo Judas bzhid gyedkwes Ne.

MATEO 22:17

Guna gan ¿pe wen gyizh noo zeg impwest lo rrey-Roma u wendeto?

2 CORINTIOS 4:1

Por neguin rsuudet lextoo noo yra noo, porke por ne wles lextoo Dëdyuzh noo, wseleedx Ne xdxiin Ne lo noo.

MATEO 22:16

Lex wxaal men tebëd xpén men no le tebëd xpén Herodes wa men re men lo Jesus: ―Maxter, nan noo yra noo ne nli ne rnii de no ne nli ne rneluu de ne ybán mén zegne rlaan Dëdyuzh. Zadet lextoo de gan txu nak mén porke por laa de tese nak mén.

MARCOS 12:13

Zhich guin wxaal men tebëd men ne nak farisew no le tebëd xpén Herodes wa wanii lo Jesus chen gan pe gue Ne chen tsël gan pezee ykagyii men Ne.

MARCOS 12:15

Per kom nan Jesus ne noze rkanlo men wen men, lex re Ne lo men: ―¿Penak rye de gan pezee gyab noo lo xetramp de? Gutano te med kwii noo.