MARCOS 12:1 - Zapotec Santa María Quiegolani

¹ Wzelo Jesus wuu Ne zegnak te kwent lo men yra men, re Ne: ―Wuu te mgyeey ne wlabni blag ub lo xelyu, lex wtsëloo meno, no wzhexkwaa men te ledne yzhii ub, no wlep men te ne kesentyent gya ledne kwiin men ne ykanapo ydendxoo. ’Zhich guin wbodiin men blag ub guin lo tebëd mén ne rapkwent blag ub. Lex wruu men za men nat.

MARCOS 12:1 ပူးပေါင်းရင်းမြစ်များ

MARCOS 13:34

Gako zegnak chene rruu te mén ra men nat. Or ne le men che wal tsa, re men lo xmos men ne gapkwent men xyuu men. Wsan men dxiin ne ylaa men te te men, no re men lo men ne zunap ruyaglaa ne gapkwent men ruyaglaa.

MARCOS 4:2

Ndal ne wneluu Ne men, teblose zegnak kwent wneluu No. Or ne kaneluu Ne men, re Ne:

MATEO 25:14

’Ne rkyeen Dëdyuzh nak zegnak te mgyeey ne che nuu ne yruu tsa nat; lex wbëz men yra xmos men, wsan men xmed men lo xmos men.

HECHOS 7:38

Moiseskeree nga nak ne wkaa yra xpenkwlal be denbidx yrup Moises angel ne wnii lo Moises gyey-Sinaí, no wkakwent Moises xdiiz Dëdyuzh chen yzëët Moiseso lo yra xpenkwlal be, laa diiz guin nak ne wsan Moises lo be yra be.

LUCAS 19:12

Re Ne lo men: ―Wuu te mgyeey ne nak zhiin mennon, wruu men za men nat chen ylaa mén men rrey, lex yberee ke men.

LUCAS 15:13

Zhichegue wako, wtoo mewindee yrandxee ne ryal mee, lex kon med guin wruu me sya me nat ledne wdenyaxla mee we yrandxoo, porke wbán me zegne rlaantee mee.

LUCAS 8:10

Wke Ne re Ne: ―Laa de yra de, Dëdyuzh wniiz si ne gaknan de logne ngueedx ne rkyeen Ne, per le lo men stebëd men rzëët noo we zegnak te kwent, chen mase mazre rwii men, per nak men zegnak mén ne rwiidet; mase mazre ron men diiz, per ydeedet men kwento.

MATEO 21:28

Zhich guin re Jesus lo men: ―Yzëët noo diizree lo de yra de gan pe yna de. Te mgyeey rap men txup xpee men, lex re men lo me te mee: “Zhiin, gutsa ylaa de dxiin lo blag ub nedxeree.”

LUCAS 22:9

Lex wnabdiiz men lo Ne, re men: ―¿Pazh rlaan de tsazhexkwaa noo we?

MATEO 13:3

Lex wzelo Ne wzëët Ne ndal diiz lo men zegnak te kwent, re Ne: ―Te dxe wruu te mén ne rguu bni, zalabni men zhobxtil.

MATEO 21:33

’Gugon neree ne yna noo lo de yra de zegnak ste kwent: Wuu te mgyeey ne wlabni blag ub lo xelyu, lex wtsëloo meno, no wzhexkwaa men te ledne yzhii ub, no wlep men te ne kesentyent gya ledne kwiin men ne ykanapo ydendxoo. ’Zhich guin wbodiin men blag ub guin lo tebëd mén ne rapkwent blag ub. Lex wruu men za men nat.

MATEO 21:34

Le chene wdxiin tyemp ne le ub wal gyët, wxaal xpexwaan blag ub guin tebëd xmos men lo yra men ne rapkwento, zaxii xmos men ub ne ryal xpexwaan blag ub guin.

MARCOS 3:23

Lex wbëz Jesus men yra men, re Ne lo men: ―¿Pezee gak koo Bzelo laake sebzelo Bzelo lextoo mén?

MARCOS 11:33

Orguin wke men re men: ―Nandet noo we. Lex re Jesus: ―Laake ni noo yzëëdet gan txuzh wkyeen noo ne rlaa noo neree.