MARCOS 10:24 - Zapotec Santa María Quiegolani

²⁴ Wzee wzak yra xpén Ne ne re Ne zenga; per wberee Ne, re Ne ste: ―Zhiin, kesentyent ngan tee menrik ledne rnebééy Dëdyuzh.

MARCOS 10:24 ပူးပေါင်းရင်းမြစ်များ

APOCALIPSIS 3:17

Re de ne rik de, yrandxoo rap de, bet rakdet falt lo de; per no ryenden de ne baanske rzak de, nles rzak de, prob de, ngwlëë de, noze xgyerbëël de.

1 TIMOTEO 6:17

Gugue lo menrik ne nuu naaree ne tsugyadet lextoo men, ni ykalodet men xgyelrik men, porke sluzho. Mazre wendee ykalo men Dëdyuzhmbán ne rseleedx yra yrandxee kos lo be chen yzhiilen be.

LUCAS 16:14

Kom kesentyent rdeb med lextoo yra men ne nak farisew, ne won men ne re Ne zenga, wzelo men wzhidxno men Ne.

1 JUAN 2:1

Zhiin, rkaa noo yra neree por laa de yra de chen ylaadetre de dol, per belne nuu de rlaa dol, che rap be te men ne ynii por xkwent be nes lo Dëdyuzh Xuz be. Laa men nga nak Jesucrist ne nunk wlaadet dol.

JUAN 13:33

Zhiin, che xchedetre ykaa noo lad de. Skaye de noo yra de, per zegne re noo lo men-Israel, zenga ke yna noo lo de yra de orree: Gakdet tsa de ledne gya noo.

1 JUAN 5:21

Por neguin gugap kwent yra de zhiin, ylaleedxdet de mdoo. Zengaw.

1 JUAN 4:4

Per laa de yra de zhiin, che xpén Dëdyuzh nak de, che wun de gan lo yra men ne rkade, porke laa Dëdyuzh raknonen de no ntozdee rap Ne poder ke lo Bzelo ne rnebééy lo mén ne nak noze mengyëzlyu.

GÁLATAS 4:19

Zhiin, baanske rak noo sufrir por laa de ste, rzak noo zegne rzak wnaa chene rzebyoob men ne rzan men zhiin men, no zakre noo sufrir axtegue ne tsanal de xnëz Jesucrist zegne ryal tsanal do.

JUAN 21:5

Lex re Ne lo men: ―Zhiin, ¿pe ni te mël gardet yzuun lo de? Wke men re men: ―Axtegue ni te maa.

JUAN 6:60

Chene wluzh won yra xpén Jesus neree, ndalyaa men re: ―Axtegue ne gakdetlel rnii men; ¿txu ykagyedyag ne rnii men?

MATEO 19:25

Ne won yra xpén Jesus zenga, kesentyent wzee wzak men, re men: ―¿Txuzh nak ne gun gan yláá lo kastig cheguin?

MARCOS 1:27

Yrandxee mén wzee wzak, rnabdizlsaa men, re men: ―¡Pagoxlegree! ¿Pe ne kwebzheree rneluu ménree? ¡Gukwii gante, rap ménree poder rnebééy men axtegue lo menzab, no ron menzab xdiiz men!

MARCOS 10:23

Zhich guin wii Jesus noze kbii mén, lex re Ne lo yra xpén Ne: ―¡Kesentyent ngan tee menrik ledne rnebééy Dëdyuzh!