LUCAS 7:16 - Zapotec Santa María Quiegolani

¹⁶ Ne wii yra mén neguin, wdxe men, wzelo men wzaknon men Dëdyuzh, re men: ―Te profet ne kesentyent non wrukaa lad be. No re men: ―Dëdyuzh zëdgyun xyudar be.

LUCAS 7:16 ပူးပေါင်းရင်းမြစ်များ

LUCAS 7:39

Chene wii farisew guin ne wbëz Ne ne wlaa wnaa guin zenga, nuu lextoo men: “Belne nli profet nak zhanree, nyenen zhaa gan pe klas nak wnaa gwa ne wtee nya led zhaa no gan txu nak men, no nyenen zhaa ne mendol nak men.”

MATEO 9:8

Ne wii yra mén neguin ne wak, wdxe men, wzelo men wzaknzoon men Dëdyuzh por ne wdee Dëdyuzh poder guin lo mengyëzlyu.

LUCAS 1:68

Dexkyizhtee Dëdyuzh ne rnebééy lo men-Israel, porke zëdselaa Ne be yra be ne nak be xpén Ne.

LUCAS 5:26

Wzee wzak yrandxee mén guin, wzelo men no men wzaknzoon Dëdyuzh; kesentyent rdxe men yra men, re men: ―Nedxeree wii be ne gardetlel kwii be.

LUCAS 2:20

Lex wberee ke yra mén guin ne rapkwent mëkzhiil, kesentyent rzaknzoon men Dëdyuzh, rdee men dexkyizhtee lo Ne por yra ne won men no por yra ne wii men, porke wak zegne re angel lo men.

LUCAS 1:65

Yrandxee mén ne nuu guex ruxyuu men wzee wzak, no yrandxee gyëz ne nak nes gyeey lo lyu ne la Judea ruu mén diiz neguin ne wak.

MATEO 21:11

Lex re yra men ne zanal Ne: ―Profet-Jesus ne, men-Nazaret, Nazaret ne nak lo lyu ne la Galilea.

MATEO 15:31

Kesentyent wzee wzak yra mén ne wii men ne le menngup che rnii, le men ne ngyidet nya che wakwen nya, le mennguzh che rzawen, le menngwlëë che rwii. Lex wzelo men wzaknon men XDëdyuzh men-Israel.

GÁLATAS 1:24

Por neguin wzaknonre men Dëdyuzh por ne no noo che rlaleedx Jesucrist.

HECHOS 5:5

Zegne won Ananías diizree, wkantaa men wetgue men. Yrandxee mén ne waknan ne wzak Ananías, kesentyent wdxe men.

JUAN 9:17

Lex wberee men wnabdiiz men lo mgyeey guin ne wyenii bzalo, re men: ―¿Laa de naa, pe yna de txu nak mén gwa ne wlaa ne wyenii bzalo de? Lex re mgyeey guin: ―Noo yna te profet nak men.

JUAN 6:14

Ne wii yra mén guin gyelmilaguer ne wlaa Jesus, re men: ―Nli ne laa profet ne rap degne chiid gyëzlyu nee.

JUAN 4:19

Ne won wnaa guin zenga, re men: ―Dechey, ryenen noo ne te profet nak de.

JUAN 1:25

ne wanabdiiz men lo Xwa, re men: ―Belne let laadet de nak Crist, ni let laadet de nak Elías, ni let laadet de nak profet ne gyed chiid, ¿penak rtxobnis de mén cheguin?

JUAN 1:21

Lex wnabdiiz men ste, re men: ―¿Txu nak de cheguin? ¿Pe laa de nak Elías? Wke Xwa, re Xwa: ―Let noodet ne. Wnabdiizgue men ste, re men: ―Guex, ¿pe laa de nga nak profet ne gyed chiid? Wke Xwa, re Xwa: ―Let noodet ne.

LUCAS 24:19

Lex re Ne lo men: ―¿Pagox wak? Orguin re men: ―Ne wzak Jesus zhan-Nazaret, ne nak te profet ne kesentyent rap poder nes lo Dëdyuzh no le nes lo yra mén, nigle por yra ne rlaa zhaa, nigle por yra diiz ne rnii zhaa.

LUCAS 9:19

Wke men re men: ―Nuu men re, Xwa ne rtxobnis nak de; nuuzeg men re, profet-Elías nak de; nuuzeg men re, ka txu ste profet ne wuu chekwlo nak de, laa men wa wban.

LUCAS 8:37

Lex wnab yra mén ne nuu nes Gadara lo Ne ne yruu Ne nga, porke kesentyent rdxe men. Lex wdee Ne lenbark sya Ne.

LUCAS 5:8

Ne wii Simon neguin, wzuzhib men lo Jesus, re men: ―Gubetxee lo noo Dechey, porke mendol nak noo.

MATEO 28:8

Orgueguin wruu yrup wnaa guin rubaa, te rdxe men te rzhiilen men; noze rzhoon men zaluu men diiz lo yra xpén Jesus.

HECHOS 7:37

Laake Moises nga re lo yra men-Israel: “Dëdyuzh ylaa ne lad ke de yra de yruu te men ne gak profet ne gak zegnak noo; gon de xdiiz men.”

LUCAS 19:44

Yket men de yra de no yluzh men laz de. Ni te gye gyandet led ste gye, porke wukasdet de mén ne wxaal Dëdyuzh lo de yra de.

LUCAS 7:15

Orguin wzobli mén guin, wzelo men wnii men, lex wdekwent Jesus men lo xnaa men.