LUCAS 6:37 - Zapotec Santa María Quiegolani

³⁷ ’Yleedxdet de semén de, chen ylaadet ke Dëdyuzh gyelextis lo de. Yzakzidet de semén de, chen yzakzidet ke Dëdyuzh de. Gugun mén perdon, chen gun ke Dëdyuzh de perdon.

LUCAS 6:37 ပူးပေါင်းရင်းမြစ်များ

EFESIOS 4:32

Xnëz gugak yra de xkompanyer de, guleslsaa lextoo de yra de. Gugun perdonlsaa zegne wun Dëdyuzh de perdon por Jesucrist.

SANTIAGO 5:9

Ykagyilsaadet de chen sakzidet de, porke che wyob ylaa Dëdyuzh gyelextis.

MARCOS 11:25

No chene rnab de lo Dëdyuzh, gugun perdon semén de belne pe wlaa men de, chen gun ke Dëdyuzh de perdon.

COLOSENSES 3:13

Gugun wantar xkompanyer de, gugun men perdon belne nuu pe ne mal rlaa men. Zegne wun Jesucrist de perdon, zenga ke gugun perdon xkompanyer de.

MATEO 5:7

’Nzoon yra mén ne rap lextoo semén, porke zap ke lextoo Dëdyuzh men.

MATEO 18:30

Per nadet men nyap men pasens mén guin, sinke wsee men men chegyiib axtegue ne gyizh men yra ne zeeb men lo men.

LUCAS 6:36

Gules lextoo de semén de zegne rles lextoo Dëdyuzh Xuz be de.

LUCAS 23:16

Noze yzakzi noo men, lex yselaa ke noo men.

HECHOS 3:13

XDëdyuzh Abraham ne nak xpenkwlal be, XDëdyuzh Isaac, XDëdyuzh Jacob wlaa we; wdee Ne poder lo Jesus XPee Ne ne wdekwent de lo xtis, no chene wlaan Pilato nselaa Pilato Jesus, nadet de.

SANTIAGO 2:13

Porke mén ne rlesdet lextoo semén, ylesdet ke lextoo Ne men chene ydxiin dxe ne ylaa Ne gyelextis; per le mén ne rles lextoo semén, axtegue nzoon tsuu lextoo men chene ydxiin dxe guin.