LUCAS 21:35 - Zapotec Santa María Quiegolani

³⁵ zegne rga maa lo tramp, porke zenga gako por yrandxee mén ne nuu ydendxee gyëzlyu.

LUCAS 21:35 ပူးပေါင်းရင်းမြစ်များ

APOCALIPSIS 16:15

Laa Jesucrist re neree: ―Gukwii gante, schiid noo lo de zegnak chene rdxiin te ngbaan. Per nzoon mén ne noze list zu no ne nak xab, chen sudet men noze bëël men koo xgyelentu men.

LUCAS 17:37

Lex wnabdiiz men lo Ne, re men: ―¿Pazh gak negwa, Dechey? Wke Ne re Ne: ―Zaknyoogoo zegne raknyoo ledne nex mawet, rdop ngolo.

HECHOS 17:26

’No por tendxee mén wlaa Dëdyuzh ne nuu yralondxee mén chen tsuu men ydendxee gyëzlyu, no wsu Ne tyemp ne ybán te te mén no gan pa kwlotee tsuu men,

LUCAS 21:34

’Gugap kwent, ydeedet de si gun ne mal gan lo de, zegnak gyelguu, zegnak ne za zeebtee lextoo de yra ne nuu gyëzlyuree, chen chene ydxiin dxe guin, yganodet de neree

LUCAS 21:36

List gugak yra de, yzaandxee dxe gunab lo Dëdyuzh, chen gun de gan yláá de lo yra ne gak no chen gun de gan ybig de lo Men ne wdxiid wak Mén.