JUAN 6:64 - Zapotec Santa María Quiegolani

⁶⁴ Per nuu de gardet ylaleedx noo. Re Jesus zenga porke axtegue chekwlo che nan Ne gan txuzh rlaleedxdet Ne no gan txuzh ydekwent Ne.

JUAN 6:64 ပူးပေါင်းရင်းမြစ်များ

JUAN 10:26

Per laa de rlaleedxdet do porke nakdet de xpén noo.

HEBREOS 4:13

Ni te ne wzhexkwaa Dëdyuzh gakdet ygyidxlaan lo Dëdyuzh, yra yrandxoo rwii Ne; rap be degne ydee be kwent lo Ne.

2 TIMOTEO 2:19

Per wsan Dëdyuzh zegnak te simyent ne kesentyent fwert lo be, ledo ka: “Rnebeey Dëdyuzh men ne nak xpén Ne”, no ka ke: “Yrandxee mén ne nak xpén Dëdyuzh rap men degne ysalzaan men ne mal.”

ROMANOS 8:29

No axtegue chekwlo, che nan Dëdyuzh gan txu men nak men ne ylaleedx Ne no che wsanla Ne men ne gak men zegnak Jesucrist XPee Ne, chen laa Jesucrist gak men primer lo yrandxee men ne nak zhiin Dëdyuzh.

JUAN 6:61

Wdee Jesus kwent ne re men zenga, lex re Ne lo men: ―¿Pe rzaknyaan de neree ne na noo lo de?

JUAN 5:42

Per nanwen noo gan pezee nak de yra de no nan noo ne ryaandet de Dëdyuzh.

HECHOS 15:18

Zeree re Dëdyuzh, laa Ne wzëët neree lo mén axtegue chekwlal.

JUAN 6:66

Kwlote nga ndalyaa men ne che nak xpén Jesus wsalzaan men Ne, wanaldetre men Ne.

JUAN 6:36

Per zegne che na noo lo de, mase che wii de noo, per rlaleedxdet de noo.

JUAN 8:55

Per laa de rnebeeydet de me. Noo si rnebeey noo me, no belne yna noo ne rnebeeydet noo me, noze rkade noo zeg rlaa ke de. Per noo nli rnebeey noo me, no rlaa noo ne rzëët me.

JUAN 8:23

Lex re Ne lo men: ―Laa de yra de mengyëzlyuree nak de, per le noo mengyeybaa nak noo; laa de mengyëzlyu nak de, per le noo nakdet noo mengyëzlyu.

MATEO 10:4

no le Simon men ne nak cananist, no le Judas Iscariote ne wdekwent Jesus.

JUAN 6:60

Chene wluzh won yra xpén Jesus neree, ndalyaa men re: ―Axtegue ne gakdetlel rnii men; ¿txu ykagyedyag ne rnii men?

JUAN 18:4

Per kom che nan Jesus yra ne sak Ne, wruu Ne nga wnabdiiz Ne lo men, re Ne: ―¿Txu rye de?