JUAN 13:5 - Zapotec Santa María Quiegolani

⁵ Lex wgaa Ne nis te leen ntsaa, wzelo Ne waa Ne nii yra xpén Ne, lex wkwiidx No kon toay ne nliib txu Ne.

JUAN 13:5 ပူးပေါင်းရင်းမြစ်များ

LUCAS 7:44

Orguin wcheree lo Jesus wii Ne lo wnaa guin, lex re Ne lo Simon: ―¿Pe wii de ne wlaa wnaaree? Wdee noo lenxyuu de, no wniizdet de nis ndaa nii noo; le wnaaree wgaz men nii noo kon nis lo men, lex wkwiidx meno kon gyitsxtoo men.

1 TIMOTEO 5:10

sinke nonchee la men ne nan mén ne wen yra ne wlaa: belne wen wtxoo zhiin men, belne wdee ruxyuu men wbë́z mén, no belne wen wak men lo xpén Jesucrist ne rdxiin ruxyuu men, no belne wun men xyudar men ne rak sufrir, no belne syemper wlaa men ne wen.

APOCALIPSIS 7:14

Wke noo, re noo lo men: ―Dechey, laa de nak ne nano. Lex na men lo noo: ―Laa yra men gwa nak ne kesentyent wii gyelenles; wlangyichdoo men xab men por ne waa meno lo xren Men ne nak zegnak mëkzhiil bëën bëënleg.

HEBREOS 10:22

Por neguin yoo ybig be lo Dëdyuzh ydebgyiky ydeblextootee be no tebegue tsuu lextoo be ne rlaleedx be Jesucrist, che tsuudetre lextoo be ne mendol nak be porke che wgyitxee Ne yra dol ne wlaa be no che wdaa led be kon nisnya.

EFESIOS 5:26

chen ybetxee xdol men, wlandaa Ne men kon nis no le kon xdiiz Dëdyuzh,

1 CORINTIOS 6:11

Nuu de wak zenga chekwlo, per naaree por la Jesucrist no le por XEspíritu XDëdyuzh be che wbetxee xdol de, che xpén Ne nak de, no che run Ne de kwent zegnak men ne nunk wlaadet dol.

HECHOS 22:16

Orrenaa, ¿pagox rbë́z de? Gusuli, gurobnis, no gusaan ne rlaa de dol, gunab lo Jesucrist.”

1 JUAN 5:6

Laa Jesucristree nga wdxiid gyëzlyu, wrobnis Ne no wzhe xren Ne lo kruz. Let nozdet wrobnis Ne, sinke no wzhe xren Ne lo kruz. Laa Espíritu Sant nan ne nli neree; Espíritu Sant si nli rnii.

1 JUAN 1:7

Per belne rlaadet be dol zegne rlaadet Ne dol, tebegue nak be yra be, no laa xren Jesucrist XPee Ne wgyitxee xdol be.

JUAN 19:34

Per wbib te ke soldad lans koo Ne, orguin wruu reno no wruu niso.

LUCAS 7:38

Roon men, wzob men guex ledne zu nii Ne; wgaz men nii Ne kon nis lo men, lex wkwiidx meno kon gyitsxtoo men; wtsëlruu men nii Ne, lex wdxiib men perfum guin led nii Ne.

APOCALIPSIS 1:5

no le yra Ne Jesucrist ne nak testig ne rkadedet no ne primerendxee wban ke lo yrandxee mengut no ne rnebééy lo yrandxee rrey ne nuu gyëzlyu. Ryaan Jesucrist be, wgyitxee Ne xdol be kon xren Ne,

JUAN 13:10

Lex re Ne: ―Men ne che waz, nonchee nii men rkyiin ydaa, porke che yde men ndaa. Laa de che ndaa de, per let yradet de ndaa.

JUAN 13:8

Lex re Simon-Bëd: ―Nunk ydeedet noo si ga de nii noo. Wke Ne re Ne: ―Belne gadet noo we, gakdetre gak de xpén noo.

JUAN 13:6

Chene wdxiin Ne lo Simon-Bëd ne ga Ne nii men, re men lo Ne: ―Dechey, ¿pe lel laa de ga nii noo?