JUAN 12:40 - Zapotec Santa María Quiegolani

⁴⁰ Dëdyuzh wlaa ne wak men zegnak menngwlëë no wlaa Ne ne wakndíp lextoo men, chen kwiidet men, ni ydeedet men kwent, ni ysaandet men xgyelmal men chen gakdet yláá men lo xdol men.

JUAN 12:40 ပူးပေါင်းရင်းမြစ်များ

LUCAS 8:10

Wke Ne re Ne: ―Laa de yra de, Dëdyuzh wniiz si ne gaknan de logne ngueedx ne rkyeen Ne, per le lo men stebëd men rzëët noo we zegnak te kwent, chen mase mazre rwii men, per nak men zegnak mén ne rwiidet; mase mazre ron men diiz, per ydeedet men kwento.

MARCOS 4:12

chen mase mazre rwii men, per nak men zegnak mén ne rwiidet; mase mazre ron men diiz, per ydeedet men kwento, chen ysaandet xgyelmal men no chen gakdet perdon xdol men.

HECHOS 3:19

Por neguin gusaan xgyelmal de, lex gugak xpén Dëdyuzh, chen ysuu Ne xdol de no chen zenga yseleedx Ne gyelgwzhiil lo de

JUAN 9:39

Lex re Ne: ―Zëëd noo nee gyëzlyuree chen gak gyelextis, chen gyenii bzalo menngwlëë, le yra men ne rwii gak men zegnak menngwlëë.

LUCAS 4:18

Laa XEspíritu Dëdyuzh raknonen noo, porke laa Ne wye noo por ne yzëët noo xdiznzoon Ne lo yra menprob. Wxaal Ne noo chen yzëët noo lo yra men ne nunyoow gan pezee yláá men, no chen ylaa noo ne gyenii bzalo menngwlëë, no chen yselaa noo yra men ne baanske rzak,

ROMANOS 9:18

Nee ryen ne rles lextoo Dëdyuzh mén ne rlaan Ne yles lextoo Ne, no rlandíp Ne lextoo mén ne rlaan Ne ne ylandíp No.

HECHOS 28:26

Gutsa gue de lo yra ménro: Mase mazre ykagyedyag de diiz, per ydeedet de kwento; mase mazre kwii de, per bet gyenden de.

MATEO 15:14

Zeka men; nak men zegnak menngwlëë ne rgoob nya sengwlëë; no belne rgoob ngwlëë nya sengwlëë ngwlëë, skantaa men yrup men ledne nugyët.

HECHOS 15:3

Lex wguli yra men ne rlaleedx Jesucrist men nëz za men yra men, wdee men lo lyu ne la Fenicia no le lo lyu ne la Samaria, wuu men diiz lo yra men ne rlaleedx Jesucrist ne no yra mén ne nakdet men-Israel che rlaleedx Jesucrist. Kesentyent wzhiilen yra mén guin ne won meno.

MARCOS 6:52

porke gardet ydee men kwent gyelmilaguer ne wlaa Ne ne wtsowndal Ne gyëtxtil, porke benak nkeb xgyeryen men.

JUAN 12:39

Por neguin wlaleedxdet men Ne, porke rap degne gak kumplir ne wkaa ke profet-Isaías ledne re: