HECHOS 9:6 - Zapotec Santa María Quiegolani

⁶ Noze rzhiz Saulo rdxe Saulo, re Saulo: ―Dechey, ¿pagox rlaan de ylaa noo? Orguin re Jesus: ―Gutsaxee, gutee lenlgyëz-Damasco. Nga yna mén logne ylaa de.

HECHOS 9:6 ပူးပေါင်းရင်းမြစ်များ

HECHOS 22:10

Lex wnabdiiz noo, re noo: “Dechey, ¿pagox rap noo degne ylaa noo?” Orguin na Ne lo noo: “Gutsaxee, gugyuli ke xnëz de gutsa Damasco. Nga yna mén yrandxee logne rap de degne ylaa de.”

HECHOS 26:16

Per gutsaxee, gusuli, porke wlalo noo lo de chen yzu noo de ylaa de xdxiin noo no chen yzëët de ne wii de orree no le ne gyed yluur noo lo de.

FILIPENSES 2:12

Ryaan noo de yra de. Orrenaa bes zegwa zegne won de xdiiz noo chene wkaa noo lad de, zenga ke gugono o mazre gugondoo naaree ne nuu noo nat. Kon gyelerdxeeb no kon gyelenzebnëz gulaa ne xnëz ne nak de men ne che wláá lo dol.

ROMANOS 10:20

Zhich guin wyezh profet-Isaías wkaa men ne re Dëdyuzh, chene re Ne: Wzël noo lo mén mase ni wyedet men noo, no wrunyoo noo lo men mase ni wnabdiizdet men noo.

ROMANOS 10:3

Porke rlaandet men ydee men kwent gan pezee run Dëdyuzh perdon xdol mén, sinke noze xkwent men rye men gan pezee gak perdon xdol men, rlaandet men ylaa men zegne rlaan Dëdyuzh chen gak perdon xdol men.

ROMANOS 7:9

Chekwlo noze le noo wbán, wdeedet noo kwent ne zëëd lo ley, per chene wdee noo kwento, mazre wdaal xdol noo, por neguin wak noo zegnak men ne che wet.

ROMANOS 5:20

Wdee Dëdyuzh ley lo Moises chen ylaadetre mén dol, per lel mazre walaa men dol, no chene che kesentyent wlaa men dol, mazre wbonyoo Dëdyuzh xgyelwen Dëdyuzh, wun Ne men perdon.

HECHOS 10:32

Por neguin guxaal mén tsa men Jope tsaxii men Simon ne la ke Bëd; le zhaa ka xyuu te zhan ne la ke Simon ne rkuudx gyed no ne zob xyuu guex runisdoo. Laa Simon ne la ke Bëd yna gan kox ylaa de.”

HECHOS 10:22

Wke men re men: ―Laa kapitan ne la Cornel wxaal noo; te mén ne xnëz rlaa no ne rzaknon Dëdyuzh nak Cornel; yrandxee men-Israel raknzebnëz lo Cornel. Laa te xangel Dëdyuzh re lo Cornel ne yxaal Cornel noo chidtxii noo de, chen tsa de ruxyuu Cornel, gon Cornel ne gue de lo Cornel.

HECHOS 10:6

le zhaa ka xyuu te zhan ne la ke Simon ne rkuudx gyed no ne zob xyuu guex runisdoo. Laa Simon ne la ke Bëd yna gan kox ylaa de.

HECHOS 2:37

Chene won yra mén ne ndxin nga diizree, wdenles lextoo men. Orguin wnabdiiz men lo Bëd no le lo stebëd poxter, re men: ―¿Pagox nak ne ylaa noo?

LUCAS 3:10

Lex wnabdiiz mén lo Xwa, re men: ―¿Pagox rap noo degne ylaa noo?

MATEO 19:30

Per ndal men ne nak men primer naaree, gak men lultim; no ndal ke men ne nak men lultim, gak men primer.

SANTIAGO 4:6

Kesentyent raknonen Dëdyuzh be por tant wen Ne; por neguin re lo xgyiich Ne ledne re: “Rukasdet Dëdyuzh mén ne nugya lextoo, per raknonen Ne yra mén ne nugyadet lextoo.”

HECHOS 9:5

Orguin wnabdiiz Saulo, re Saulo: ―¿Txu laa de Dechey? Wke rëz guin, re we: ―Noo nak Jesus ne rlaandet de kwii de. Laake de rzakzi de zegne rlaa yuz ne rkanii xtoo yag ne rbib mén led maa.