HECHOS 3:1 - Zapotec Santa María Quiegolani

¹ Te dxe wayeep Bëd yrup Bëd Xwa lenxeydoo Dëdyuzh beytson wzëë. Orguin nak ne ranab mén lo Dëdyuzh.

HECHOS 3:1 ပူးပေါင်းရင်းမြစ်များ

HECHOS 10:3

Te dxe zeg beytson wzëë wzak Cornel zegnak men ne wnexgyëëlen; nya wii Cornel wdee te xangel Dëdyuzh lenyuu ledne zu Cornel, re angel guin lo Cornel: ―¡Cornel!

HECHOS 4:13

Chene wii yra xtis ne rdxedet Bëd rnii Bëd yrup Bëd Xwa no chene wyenen men ne rut nakdet men yrup men, ni nakdet men men ne wseed, wzee wzak men yra men; orguin wdee men kwent ne yra Bëd Jesus wkaa.

LUCAS 1:10

Or ne le Zacari kaguu guux guin lenydoo, le yrandxee mén ndxin fwer kanab lo Dëdyuzh.

HECHOS 5:25

Orke guin wdxiin te mgyeey ne re lo men: ―Mén ne wsee de chegyiib, le men nuu lenxeydoo Dëdyuzh rneluu men mén.

LUCAS 24:53

No yzhe yzhendxee nuu men lenxeydoo Dëdyuzh rzaknon men Dëdyuzh. Zengaw.

HECHOS 8:14

Chene waknan yra poxter ne ka Jerusalén ne le men-Samaria che rlaleedx xdiiz Dëdyuzh, wxaal poxter Bëd no le Xwa ne nak ke poxter, za men Samaria.

HECHOS 2:46

Yzhe yzhendxee rdop men lenxeydoo Dëdyuzh no axtegue nzoon nuu lextoo men ra men gwdu ruxyuu xkompanyer men ydebgyiky ydeblextootee men.

JUAN 21:7

Lex wbig xpoxter Ne ne kesentyent ryaan Ne, re men lo Simon-Bëd: ―¡Jesus ne! Zegne won Simon-Bëd ne Jesus ne, wak xab men, porke nakdet meno, lex wyab men lo nis.

LUCAS 22:8

wxaal Jesus Bëd no le Xwa, re Ne lo men: ―Gutsa yzhexkwaa de ne guxsëë be lo lniree.

MATEO 26:37

Wzano Ne Bëd no le yrup xpee Zebedew, lex wlen kesentyent wunles lextoo Ne, axtegue baanske wuu lextoo Ne.

MATEO 17:1

Ne wluzh xuup gbiz ne wak yra neguin, wzano Jesus Bëd no le Jacob no le Xwa bech Jacob, wano Ne men noze gyon men te xtoo gyeey ne kesentyent gya.

HECHOS 10:30

Wke Cornel, re Cornel: ―Che wzaa tap gbiz zeg ornaa ke zu noo nee ruxyuu noo, wkwan noo wudet noo, kanab noo lo Dëdyuzh beytson wzëë, tebegue wlalo te mén ne nak lërrkabnii lo noo.

GÁLATAS 2:9

Jacob, Bëd, no le Xwa, gyon men zeree nak ne rnebééy lo yra men ne rlaleedx Jesucrist; laa men wyenen ne laa Dëdyuzh nak ne wseleedx dxiinree lo noo. Wnëëz men nya noo yrup noo Bernabe zegnak te beey ne ryan men byen ne noo yrup noo Bernabe nak ne tsazëët xdiznzoon Jesucrist lo men ne nakdet men-Israel, le laa men yzëëto lo men-Israel.

MATEO 27:45

Or ne rwen ngbiz, waknkeb ydendxee gyëzlyu, axtegue beytson wzëë wyenii ste.

LUCAS 18:10

―Wa txup mgyeey lenxeydoo Dëdyuzh wnab men lo Dëdyuzh: te men nak farisew, le ste men nak men ne rgoob zeg impwest.

HECHOS 3:3

Chene wii mgyeey guin ne za tee Bëd lenydoo yrup Bëd Xwa, wnab men te goon lo Bëd.

HECHOS 3:4

Lex wii wiindxee Bëd yrup Bëd Xwa lo mgyeey guin, re Bëd lo men: ―Gukwii lo noo.