HECHOS 28:22 - Zapotec Santa María Quiegolani

²² Per rlaan noo gon noo xdiiz de gan pe yna de, porke noo yra noo nan noo ne yrandxee lugar rninyaan men religión gwa.

HECHOS 28:22 ပူးပေါင်းရင်းမြစ်များ

1 PEDRO 2:12

Zhaas gubán nes lo yra mén ne rlaleedxdet Dëdyuzh, chen zenga mase naaree rzak men de zegnak menmal, per chene kwii men ne wen ne kalaa de, saknon men Dëdyuzh chene ydxiin dxe ne ylaa Ne gyelextis lo yrandxee mén.

1 PEDRO 3:16

Xnëz gugak chen bet tsadet lextoo de, chen ytuunen yra mén ne rnii dizmal por laa de ne kwii men ne xnëz nak de ne rlaleedx de Jesucrist.

HECHOS 24:14

Per logne yxobdol noo si nak ne nli xdxiin Dëdyuzh rlaa noo zegne ryal ne ylaa noo ne nak noo xpén Jesucrist; neree ste religión rnii meno, no rlaa noo neree porke rlaleedx noo yrandxee ne zëëd lo ley no le yra ne wkaa profet.

LUCAS 2:34

Lex wsan Simeon men ledxnya Dëdyuzh yra men mëëd guin, re Simeon lo Mli xnaa ne: ―Mëëdree che nunla ne ne ndal men-Israel ylaleedxdet ne, per ndal ke men ylaleedx ne. Zëëd ne zëdzëët ne ne rlaan Dëdyuzh, per ndal mén ylaandet ne yzëët ne.

1 CORINTIOS 11:19

Per rap degne gaktxup de, chen gyen gan txuzh nak ne nli zanal xnëz Dëdyuzh.

HECHOS 26:5

No nan ke men ne axtegue chekwlo nak noo farisew; zak yzëët meno belne rlaan men yzëët meno. Noo wlaa noo yrandxee ne zëëd lo xley men-Israel zegne rlaa men ne nak farisewo, no laa men ne nak farisew nak ne mazre zanaldoo.

HECHOS 15:5

Per wzuli tebëd men ne nak farisew ne che rlaleedx Jesucrist, re men: ―Yra mén ne nakdet men-Israel ne che rlaleedx Jesucrist, rkyiin ne tsuu men beey ne ruu men-Israel no rkyiin ne ykyeen be men ne ylaa men zegne zëëd lo ley ne wdee Dëdyuzh lo Moises.

HECHOS 5:17

Por neguin kesentyent wakmbidye fxuz ne mazre nondee no le yra mén ne nuu lad men ne nak sadusew ne ndxin lo fxuz nga.

ROMANOS 1:8

Ne primer ne rlaa noo nak ne por Jesucrist rdee noo dexkyizhtee lo Dëdyuzh por laa de yra de, porke nesree nesrotee nuu xdiiz de ne rlaleedx de Ne.