HECHOS 2:33 - Zapotec Santa María Quiegolani

³³ Sya Ne gyeybaa koo Dëdyuzh ladbëë no wkakwent Ne Espíritu Sant ne che re Dëdyuzh; orrenaa le Ne che wxaal Espíritu Sant lo noo yra noo; laa we nee nak ne kawii de yra de no ne kayon de.

HECHOS 2:33 ပူးပေါင်းရင်းမြစ်များ

HECHOS 1:4

Chene benak zu Ne yra Ne poxter, wnino Ne men ne yruudet men Jerusalén, re Ne: ―Gukwë́z axtegue ne gak yra diiz ne re Xuz noo, zegne che na noo lo de yra de.

HECHOS 5:31

Dëdyuzh wlanon Jesus, wzoob Ne Jesus koo Ne ladbëë, wlaa Ne Jesus men ne rnebééy no men ne rselaa mén lo dol chen ysaan men-Israel xgyelmal men no chen gun Ne perdon xdol men.

HECHOS 2:17

Re Dëdyuzh: “Chene che lultim dxe yxaal noo XEspíritu noo gaknonen yrandxee mén. Yra zhingaan men no le yra zhinzaap men yzëët diiz ne guu noo lextoo men; yra menyu, nuu ne ylalo lo men; le yra mengol nexgyëëlen lo mkaal.

JUAN 14:26

per laa Espíritu Sant ne yxaal Xuz noo por la noo guu lextoo de no yneluu yrandxee kos lo de, no laa Ne ylaa ne ykanzaleedx de yrandxee ne wzëët noo lo de.

MARCOS 16:19

Chene wluzh wnii Jesus lo yra xpén Ne, wyas Ne sya Ne gyeybaa, wzob Ne koo Dëdyuzh ladbëë.

1 PEDRO 3:22

Lex wyeep Jesucrist gyeybaa no zob Ne koo Dëdyuzh ladbëë. Laa Jesucrist rnebééy lo yra angel no le lo yra xtis no le lo espíritu ne rnebééy.

GÁLATAS 3:14

Wak neree, chen por ne por Jesucrist no mén ne nakdet men-Israel yganen ne nzoon ne che re Dëdyuzh lo Abraham no chen por ne rlaleedx be Jesucrist gaknonen XEspíritu Dëdyuzh be zegne che re Dëdyuzh.

HECHOS 10:45

Yra men-Israel ne rlaleedx Jesucrist no ne wanal Bëd, kesentyent wzee wzak men ne no mén ne nakdet men-Israel waknonen Espíritu Sant.

MATEO 28:18

Lex wbig Jesus lo men yra men, re Ne: ―Dëdyuzh wniiz poder lo noo ne ynebééy noo gyeybaa no le gyëzlyu.

JUAN 14:16

Noo ynab lo Xuz noo ne yxaal me te Espíritu ne guu lextoo de yra de no ne gaknonen de ydeblo siguelendxee;

1 PEDRO 1:21

Por laa Ne rlaleedx de Dëdyuzh. Laa Dëdyuzh wneban Ne no wdee gyelenzoon lo Ne, chen ylaleedx de Dëdyuzh ydebgyiky ydeblextootee de no chen ykalo de Dëdyuzh.

HEBREOS 10:12

Per le Jesucrist, tebtiregue wdee Ne si wet Ne por dol ne rlaa mén, nunk guetetre Ne, zhich guin wzob Ne koo Dëdyuzh ladbëë.

ROMANOS 5:5

No neguin ne che nanwen be rnexonleedxdeto be, porke kesentyent ryaan Dëdyuzh be por Espíritu Sant ne wseleedx Ne lo be.

TITO 3:6

Por Jesucrist ne wselaa be lo dol wlaa Dëdyuzh ne kesentyent raknonen Espíritu Sant be.

EFESIOS 4:8

Por neguin re lo xgyiich Dëdyuzh ledne re: Chene syayeep Ne, weey Ne men ne nunyoow, no wseleedx Ne logne ylaa te te mén.

JUAN 17:5

Naaree naa Dëde ne tsuu noo lo de, guniiz gyelenzoon ke ne wap noo lo de axtegue antes ne gaa gyëzlyu.

JUAN 15:26

’Per sxaal noo Espíritu ne yruu lo Xuz noo no ne rzëët teblose diznli no ne guu lextoo de; laa Ne yzëët xkwent noo lo de chene chiid Ne.

LUCAS 24:49

Lex noo yxaal ne re Xuz noo ne yxaal me por laa de yra de. Per nee Jerusalén gukaa axtegue ne ykakwent de poder ne yruu gyeybaa.

EFESIOS 1:13

Zenga ke laa de yra de chene won de diznli, dizwen ne ylaa ne yláá de lo dol no chene che wlaleedx de Jesucrist, waknonen Espíritu Sant de zegne che re Dëdyuzh, por neguin laa Espíritu Sant nak zegnak te beey ne che xpén Dëdyuzh nak de.

HEBREOS 2:9

Per nan be ne wuu te tyemp ne zhidee waknon Jesucrist ke lo angel, per le naaree laa Jesucrist nak ne mazre nondee no laa Ne nak ne mazre nzoondee por ne wet Ne lo kruz por yrandxee mén; wdee Dëdyuzh si wet Ne por ne ryaan Dëdyuzh be.