HECHOS 2:22 - Zapotec Santa María Quiegolani

²² ’Men-Israel, gugon yra diizree ne yzëët noo lo de: Wbonyoo Dëdyuzh xgyelnon Jesus men-Nazaret por yra gyelmilaguer ne wlaa Ne nes lo de yra de no le yra beey ne wzee wzak de, no nan de ne nli we.

HECHOS 2:22 ပူးပေါင်းရင်းမြစ်များ

JUAN 3:2

Gyëël wa menree lo Jesus, re men: ―Maxter, nan noo ne Dëdyuzh wxaal de ne yneluu de noo yra noo. Porke ni te mén gundet gan ylaa gyelmilaguer ne rlaa de belne raknonden Dëdyuzh men.

HECHOS 4:10

Yzëët noo we lo de chen gaknan do no chen gaknan yrandxee men-Israel gan pezee wyaken ménree ne zu lo de yra de: Wyaken men por la Jesucrist zhan-Nazaret; wkaa de zhaa lo kruz, per wneban Dëdyuzh zhaa.

LUCAS 11:20

Per belne por xpoder Dëdyuzh rboo noo menzab lextoo mén, neguin rna ne le ne rkyeen Dëdyuzh che kayak lad de yra de.

MATEO 12:28

Per belne por XEspíritu Dëdyuzh rboo noo menzab lextoo mén, neguin rna ne le ne rkyeen Dëdyuzh che kayak lad de yra de.

MATEO 9:8

Ne wii yra mén neguin ne wak, wdxe men, wzelo men wzaknzoon men Dëdyuzh por ne wdee Dëdyuzh poder guin lo mengyëzlyu.

HEBREOS 2:4

No wbonyoo Dëdyuzh ne nli we por yra ne wlaa Ne no por gyelenzoon no por yra gyelmilaguer no por logne rseleedx Espíritu Sant lo be zegne wlaan Dëdyuzh.

2 CORINTIOS 12:12

Yra gyelmilaguer, yra beey, yra gyelgwzee ne wlaa noo, syemper wkalaa noo we chene wkaa noo lo de yra de; laa we nak ne wbonyoo ne nli poxter nak noo.

HECHOS 26:26

Nee zob rrey-Agripa, nan zhaa yra neree ne kazëët noo; por neguin rdxedet noo rnii noo nes lo zhaa, porke nanwen noo ne nan zhaa yra neree ne kazëët noo, porke wakdeto ledne ngueedx.

HECHOS 26:9

’Chekwlo nuu lextoo noo ne rap noo degne kwinyaan noo xpén Jesus,

HECHOS 24:5

Waknan noo yra noo ne laa ménree nak zegnak te gyelgyiz lad yra men-Israel, no ydendxee gyëzlyu kazobnadil men mén, no laa men rnebééy lo yra xpén Jesus men-Nazaret.

HECHOS 22:8

Lex wnabdiiz noo, re noo: “¿Txu laa de Dechey?” Wke rëz guin, na we: “Noo nak Jesus zhan-Nazaret ne rlaandet de kwii de.”

HECHOS 21:28

wkarëzyaa men, re men: ―¡Men-Israel, gugun xyudar noo! Laa ménree nga nak ne zad ka yrandxee lugar rneluu men mén kos ne nuu konter por menlaz be no le por ley ne wdee Dëdyuzh lo Moises no le por xeydoo Dëdyuzh. Orrenaa le men wdee txup tson mén ne nakdet men-Israel lenxeydoo Dëdyuzh, rgyitno meno no nda we.

HECHOS 14:27

Chene wdxiin men Antioquía, wtop men yra mén ne rlaleedx Jesucrist, lex wuu men diiz lo yra mén guin gan pezee waknonen Dëdyuzh men lo yra ne wlaa men no gan pezee waknonen Dëdyuzh mén ne nakdet men-Israel no men wlaleedx Jesucrist.

HECHOS 13:16

Lex wzuli Pabel, wluu Pabel senye ne kwinchi mén, lex re Pabel: ―Men-Israel no laa de yra de ne nakdet de men-Israel ne kaye de gan pezee ylaa de ne rlaan Dëdyuzh, gugon neree.

HECHOS 6:14

No won noo ne re men ne ylitla Jesus ne nak men-Nazaret xeydoo Dëdyuzh no ytsaa Jesus koxtumber ne wsan Moises lo be.

HECHOS 5:35

Lex re men lo yra xtis: ―Men-Israel, gugap kwent logne ylaa de yra mén gwa.

HECHOS 3:12

Ne wii Bëd wdop yra mén guin, re Bëd lo men: ―Men-Israel, ¿penak rzee rzak de por neree? ¿Penak rwii de lo noo yrup noo zeg noo leg wlaa ne wyaken ménree? ¿Pe nuu lextoo de por xpoder noo u por ne mbán noo zegne rlaan Dëdyuzh wlaa ne rzaa men?

JUAN 19:19

Wkaa Pilato leter, lex wkyeen Pilato soldad wazoobo xtoo xekruz Ne, re leter guin: “Laa Jesus men-Nazaret nee, xerrey men-Israel.”

JUAN 15:24

Belne nlaadet noo gyelmilaguer lad men, gyelmilaguer ne ni te mén gardet ylaa, nyapdet men dol; per orree che wii men wlaa noo we no mase zenga rwinyaan men noo yrup noo Xuz noo.

JUAN 12:17

Mén ne zu yra Jesus chene wbëz Ne Laser ne yruu Laser lenbaa no ne wneban Ne Laser, laa men ruu diiz ne wii men wneban Ne Laser.

JUAN 11:47

Lex wa yra fxuz ne rnebééy lo yra fxuz yra men men ne nak farisew wtop men xtis-Israel, re men: ―¿Pezee ylaa be? Porke ndal gyelmilaguer kalaa mén gwa.

JUAN 10:37

Belne let xdxiindet Xuz noo kalaa noo, ylaleedxdet de noo.

JUAN 9:33

Belne let Dëdyuzhdet wxaal men, bet nyundet men gan nlaa men.

JUAN 7:31

Per ndal mén ne ndxin nga wlaleedx Ne, lex re men lo men ne wlaleedxdet Ne: ―¿Pe nuu lextoo de ne chene chiid Crist, ndaldee gyelmilaguer ylaa Ne ke ne rlaa ménree?

JUAN 6:27

Ylaadet de dxiin noze por gyelwu ne rluzh, sinke gulaa dxiin por gyelwu ne rluzhdet ne rguu gyelembán ne nunk luzhdet, laa gyelwuree nak ne yseleedx Men ne wdxiid wak Mén, porke laa Dëdyuzh nak ne wzu men ne yseleedx meno.

JUAN 6:14

Ne wii yra mén guin gyelmilaguer ne wlaa Jesus, re men: ―Nli ne laa profet ne rap degne chiid gyëzlyu nee.

JUAN 5:36

Yra ne rlaa noo, laa we rbonyoo ne nondee we ke lo ne wzëët Xwa. Porke ne na Dëdyuzh Xuz noo ne ylaa noo, laa we nak ne kalaa noo no laa we nak ne rbonyoo ne nli Dëdyuzh Xuz noo wxaal noo zëëd noo.

JUAN 4:48

Lex re Ne lo men: ―Laa de yra de belne bet gyelmilaguer kwiidet de, bet ylaleedxdet de.

JUAN 1:45

Lex waye Blib Natanael, re Blib lo Natanael: ―Che wan noo men ne rakzëët lo liber-ley ne wkaa Moises no le ne wkaa yra profet. Jesus men-Nazaret ne, xpee Xeb.

LUCAS 24:18

Wke te men ne la Cleofas, re men: ―Yrandxee mén nan ne wak Jerusalén che padxe guin. ¿Pe nonchee laa de ka Jerusalén ne nandeto?

MATEO 2:23

Chene wdxiin men nga, wa men wuu men gyëz ne la Nazaret. Wak neree chen gak kumplir diiz ne re profet ne men-Nazaret sela Jesus.

HECHOS 2:19

Le gyeybaa konyoo noo ne yzee sak mén, le gyëzlyu tsuu beey ne nak zegnak ren, zegnak bël, zegnak bëwguux.

HECHOS 2:43

Kesentyent rzee rzak yrandxee mén por yra gyelmilaguer no le por yra gyelenzoon ne rlaa poxter.

HECHOS 3:6

Per re Bëd lo men: ―Yëten noo plat ni or ne yniiz noo lo de, per logne gun noo gan ylaa noo, ylaa noo we por laa de: ¡por la Jesucrist men-Nazaret gusuli, gusaa!

LUCAS 18:37

Lex re mén lo men ne Jesus men-Nazaret za nga.