HECHOS 17:3 - Zapotec Santa María Quiegolani

³ Wzëët Pabel no wluu Pabel ne ka lo xgyiich Dëdyuzh ledne re ne sakzi Crist no chene che wet Ne, yban ke Ne. No re Pabel: ―Jesusree ne rzëët noo lo de yra de, laake Ne nga nak Crist.

HECHOS 17:3 ပူးပေါင်းရင်းမြစ်များ

HECHOS 18:28

porke nes lo yra mén re Apolos ne ngyidet ne rzëët men-Israel, no ni te mén wkedet porke nli neguin ne re Apolos, no nes lo men yra men wool Apolos lo xgyiich Dëdyuzh ledne zëëd xkwent Crist, wzëët Apolos ne Jesus nak Crist.

HECHOS 9:22

Per lel mazre wka Saulo fwers rzëët Saulo ne Jesus nak Crist; ne won yra men-Israel ne nuu Damasco ne rzëët Saulo zenga, ni nandet men pe wuu lextoo men.

LUCAS 24:32

Lex rulsaa men diiz, re men: ―Kon rrazón ne nzoon nuu lextoo be chene zëëd be nëz ne zëdyuu zhaa diiz lo be no chene rzëët zhaa gan pe rna ne re lo xgyiich Dëdyuzh.

HECHOS 3:18

Per zenga wun Dëdyuzh kumplir yra diiz ne wzëët yra xprofet Ne axtegue chekwlal chene re men: sakzi Crist.

LUCAS 24:46

Re Ne lo men: ―Zeree zëëd lo xgyiich Dëdyuzh, ne rap Crist degne sakzi Ne no guet Ne; per chene gyon gbiz, yban ke Ne.

GÁLATAS 3:1

¡Men-Galacia, penak nzël de! ¿Txuzh wtsowzël xgyeryen de? No chene wzëët noo ne wkaa Jesucrist lo kruz, axtegue zegnak nakendxoo wzëët noo we lo de yra de.

HECHOS 1:4

Chene benak zu Ne yra Ne poxter, wnino Ne men ne yruudet men Jerusalén, re Ne: ―Gukwë́z axtegue ne gak yra diiz ne re Xuz noo, zegne che na noo lo de yra de.

JUAN 20:9

Per gardet ydee men kwent ne re lo xgyiich Dëdyuzh ne rap Jesus degne yban Ne.

LUCAS 24:44

Zhich guin re Ne lo men: ―Neree ne wzak noo, laa we nga na noo lo de yra de chene benak zu noo lad de: ne rap degne gak xkwent noo ne zëëd lo liber ne wkaa Moises no le ne zëëd lo yra liber ne wkaa yra profet no le lo liber Salmos.

HECHOS 18:5

Chene wruu Silas yrup Silas Timotew Macedonia ne wdxiin men lo Pabel, che teblose xdiiz Dëdyuzh wkazëët Pabel lo mén no re Pabel lo men-Israel ne laa Jesus nak Crist.