HECHOS 11:18 - Zapotec Santa María Quiegolani

¹⁸ Chene won mén guin zenga, betre redet men, wzelo men wzaknon men Dëdyuzh, re men: ―No ke lo yra mén ne nakdet men-Israel wseleedx Dëdyuzh ne ysaan men xgyelmal men, chen gap men gyelembán ne nunk luzhdet.

HECHOS 11:18 ပူးပေါင်းရင်းမြစ်များ

2 CORINTIOS 7:10

Porke chene runles lextoo mén zegne rlaan Dëdyuzh, laa we nak ne rlaa ne rsaan men xgyelmal men, chen yláá men lo dol no guedet men, ¿penakleg wlaa noo zeree? Per le gyelenles ne nuu noze gyëzlyu, laa we nak ne rlaa ne ret mén.

HECHOS 20:21

Nigle lo men-Israel, nigle lo mén ne nakdet men-Israel, che re noo ne ysaan men xgyelmal men no ylaleedx men Jesucrist.

HECHOS 5:31

Dëdyuzh wlanon Jesus, wzoob Ne Jesus koo Ne ladbëë, wlaa Ne Jesus men ne rnebééy no men ne rselaa mén lo dol chen ysaan men-Israel xgyelmal men no chen gun Ne perdon xdol men.

2 CORINTIOS 3:18

Por neguin che wbetxee lër guin lo be yrandxee be, laa be nak zegnak te gyewan, laa be rbonyoo xgyelenzoon Jesucrist, no zayakre be zegnak Jesucrist, porke dxe kon dxe zaseleedxre Ne gyelenzoon lo be. Laa Ne rlaa neree; Espíritu nak Ne.

HECHOS 21:20

Chene won men zenga, wzaknon men Dëdyuzh, lex re men lo Pabel: ―Zhanbech, che nan de ne kesentyent ndalyaa men-Israel ne che rlaleedx Jesucrist nuu, no yrandxee men rkyeen ne rap be degne ylaa be zegne zëëd lo ley ne wdee Dëdyuzh lo Moises.

HECHOS 3:26

Chene wneban Dëdyuzh XPee Ne, primer lo de yra de wxaal Ne XPee Ne chen yneleey Ne de chen ysalzaan de xgyelmal de te te de.

GÁLATAS 1:24

Por neguin wzaknonre men Dëdyuzh por ne no noo che rlaleedx Jesucrist.

ROMANOS 9:30

¿Orrenaa kox gue be por yra neree? Ne ni ryedet mén ne nakdet men-Israel gan pezee gak men perdon, no laa men nak ne wak perdon por ne rlaleedx men Jesucrist.

HECHOS 15:3

Lex wguli yra men ne rlaleedx Jesucrist men nëz za men yra men, wdee men lo lyu ne la Fenicia no le lo lyu ne la Samaria, wuu men diiz lo yra men ne rlaleedx Jesucrist ne no yra mén ne nakdet men-Israel che rlaleedx Jesucrist. Kesentyent wzhiilen yra mén guin ne won meno.

HECHOS 14:27

Chene wdxiin men Antioquía, wtop men yra mén ne rlaleedx Jesucrist, lex wuu men diiz lo yra mén guin gan pezee waknonen Dëdyuzh men lo yra ne wlaa men no gan pezee waknonen Dëdyuzh mén ne nakdet men-Israel no men wlaleedx Jesucrist.

HECHOS 11:1

Won yra poxter diiz no le yra men-Judea ne rlaleedx Jesucrist, ne no mén ne nakdet men-Israel che rlaleedx xdiiz Dëdyuzh.

HECHOS 3:19

Por neguin gusaan xgyelmal de, lex gugak xpén Dëdyuzh, chen ysuu Ne xdol de no chen zenga yseleedx Ne gyelgwzhiil lo de

MATEO 9:8

Ne wii yra mén neguin ne wak, wdxe men, wzelo men wzaknzoon men Dëdyuzh por ne wdee Dëdyuzh poder guin lo mengyëzlyu.