FILIPENSES 4:9 - Zapotec Santa María Quiegolani

⁹ Gulaa zegne wneluu noo de, gulaa zegne na noo lo de, gulaa zegne won de wzëët noo, gulaa zegne wii de ne wlaa noo. Gulaa yra neree, lex laa Dëdyuzh yseleedx gyelendxi lo de no gaknonen ke Ne de.

FILIPENSES 4:9 ပူးပေါင်းရင်းမြစ်များ

SANTIAGO 1:22

Per gulaa zegne zëëd lo xdiiz Dëdyuzh, let nozdet gon do. Porke belne noze ron do, laake de rkade de.

FILIPENSES 3:17

Yra de ne no de rlaleedx Jesucrist, gulaa zegne rlaa noo no gukwii pezee rlaa yra mén ne rlaa zegne rlaa noo yra noo.

2 PEDRO 1:10

Por neguin yra de ne no de rlaleedx Jesucrist, gudee fwers gulaa yra neree, porke che nan de ne laa Dëdyuzh wye de no ne laa Ne wbëz de. Belne rlaa de yra neree, nunk ysalzaandet de ne rlaleedx de Jesucrist.

JUAN 13:17

Nzoon de belne rdee de kwent neree no belne rlaa do.

FILIPENSES 4:7

Lex laa Ne yseleedx xgyelendxi Ne lo de, gyelendxi ne kesentyent nzoon ne rundet mén gan ydee men kwent; laa gyelendxi guin gaknonen lextoo de no le xgyeryen de por Jesucrist.

ROMANOS 16:20

Wyob ylaa Dëdyuzh ne rseleedx gyelendxi ne ykuudx de Bzelo. Jesucrist gaknonen de yra de.

2 CORINTIOS 13:11

Ne lultim ne yna noo lo de yra de, guzhiilen, xnëz gugak zegne ryal gak de, gugulsaa lextoo de te te de, tebegue gugak, ndxi gubán. Lex laa Dëdyuzh gaknonen de porke laa Ne si rseleedx Ne gyelendxi lo de no ryaan Ne de.

LUCAS 6:46

’¿Penak rnii de noo, “Dechey, Dechey”, no rlaadet de ne na noo?

MATEO 28:20

No yneluu de men ylaa men yra ne wkyeen noo de yra de. Lex noo su kon laa de yzaandxee dxe axtegue ne nitlo gyëzlyu.

MATEO 7:21

’Let yradet mén ne nan lo noo: “Dechey, Dechey”, tee ledne rnebééy Dëdyuzh, sinke nonchee mén ne rlaa ne rlaan Dëdyuzh Xuz noo ne zob gyeybaa.

2 TESALONICENSES 3:4

No nanwen noo yra noo ne laa Jesucrist raknonen de ne kalaa de ne wkyeen noo de no ne slar do.

1 TESALONICENSES 1:6

Laa de yra de rlaa de zegne rlaa noo no zegne rlaa Jesucrist, no por Espíritu Sant wzhiilen de wlaleedx de diiz ne wzëët noo lo de, mase por laa we kesentyent wak de sufrir.

1 TESALONICENSES 5:23

Dëdyuzh rseleedx gyelendxi lo de, laa Ne ygyitxee yra yrandxee xdol de, no laa Ne gaknonen de ydebnak de, ydebxespíritu de, ydebxanem de, no ydebxkwerp de, chen axtegue bet ynadet Ne lo de chene chiid Jesucrist ste.

ROMANOS 15:33

Dëdyuzh yseleedx gyelendxi lo de, laa Ne gaknonen de yra de. Zengaw.

JUAN 2:5

Per re xnaa Jesus lo yra men ne rlaa dxiin nga: ―Gulaa yra ne yna Jesus lo de.

LUCAS 8:21

Lex wke Ne re Ne: ―Men ne ron xdiiz Dëdyuzh no rlaa meno, men guin nak xnaa noo no nak bech noo.

1 TESALONICENSES 2:14

Laa de yra de wzak zegne wzak yra men-Israel ne rlaleedx Jesucrist. Wzakzi menlaz de de zegne wzakzi ke men-Israel yra mén guin ne nak menlaz men.

1 CORINTIOS 10:31

Ryal rdebo, nigle ru de, nigle roo de, o kwaskyertee kos ne rlaa de, gulaa we por ne rzaknzoon de Dëdyuzh.

HECHOS 9:6

Noze rzhiz Saulo rdxe Saulo, re Saulo: ―Dechey, ¿pagox rlaan de ylaa noo? Orguin re Jesus: ―Gutsaxee, gutee lenlgyëz-Damasco. Nga yna mén logne ylaa de.

2 TIMOTEO 4:22

Jesucrist gun xyudar de no gaknonen Ne de yra de. Zengaw.

1 CORINTIOS 14:33

porke Dëdyuzh rlaadet Ne ne noze nzhiid, sinke le Ne rlaa ne xnëz. Gulaa zegnak xkoxtumber yrandxee men ne rlaleedx Jesucrist,

JUAN 15:14

Belne rlaa de ne rkyeen noo de, laa de yra de nak xmig noo.

1 JUAN 3:22

No seleedx Ne yrandxee ne ynab be lo Ne, porke rlaa be yra ne rkyeen Ne no rlaa be ne rtseleedx Ne.

MATEO 1:23

Gakzhiin te nzeb-benak, gap men te mëdbee ne sela Emanuel. Emanuel rna: Dëdyuzh zu kon laa be.

1 CORINTIOS 4:16

Por neguin rnab noo lo de yra de ne ylaa de zegne rlaa noo.