FILIPENSES 2:14 - Zapotec Santa María Quiegolani

¹⁴ Gulaa we yra we sin ne bet guedet de, sin ne tildiizdet de,

FILIPENSES 2:14 ပူးပေါင်းရင်းမြစ်များ

1 PEDRO 4:9

Belne nuu xkompanyer de ylenza ruxyuu de, gudee ruxyuu de kwë́z men, yniidet de dizmal por laa men.

1 CORINTIOS 10:10

Ni yniidet be diznyaan por Dëdyuzh zegne wlaa gwrol mén guin, por neguin wxaal Dëdyuzh te angel ne rket, wket angel guin ndal men.

FILIPENSES 2:3

Yrandxee ne rlaa de, ylaadet do por gyelengyizh, ni ylaadet do noze por ne gyeep xeblaan de, sinke gulaa we zegnak men ne ni nondet, no rap de degne sak de xkompanyer de zegnak men ne nondee ke lo de.

SANTIAGO 5:9

Ykagyilsaadet de chen sakzidet de, porke che wyob ylaa Dëdyuzh gyelextis.

ROMANOS 12:18

Gukwii gan pezee gulaatee chen ybán de ndxi yra de semén de.

1 TESALONICENSES 5:15

Gugap kwent ni te de ycherelsaadet ne mal ne rlaa xkompanyer de de. Mazdee gutsulyaaz ylaa de ne wen por yra xkompanyer de no le por yrandxee mén.

SANTIAGO 1:20

Porke mén ne rlayaague, rlaadet men ne rlaan Dëdyuzh.

GÁLATAS 5:26

Tsugyadet lextoo be, ni yzobnadildet be xkompanyer be, ni gakmbidyedet be por xkompanyer be.

GÁLATAS 5:15

Per belne laa de ne rulsaa de no ne rkaleylsaa de, gugap kwent tegue laake de yluzh de yra de.

SANTIAGO 3:14

Per belne tebegue gyelembidye, tebegue gyelendeblextoo nuu lextoo de, yët neguin ne ydxin de ne nan de, porke noze rkade de; rlaandet de zegne zëëd lo diznli.

ROMANOS 14:1

Xnëz gugak lo men ne gyed wzelondxee rlaleedx Jesucrist, tildiizdet de yra de men belne rlebleedxdet men zegne rlebleedx de.

JUDAS 1:16

Betlel ryandet men byen, yrandxoo rdil men, nonchee ne rtseleedx men ylaa men neguin rlaa men. Teblose dizgya rnii men no rnii men dizwen lo mén chen gun men gan ylaa men mén zegne rlaantee men.

1 PEDRO 3:11

Rap men degne ysalzaan men ne mal, ylaa men ne wen. Ye men gan pezee ybán men ndxi, lex zenga ybán men, ysalzaandet meno.

HEBREOS 12:14

Guye gan pezee gakndxi de lo yrandxee mén, guye gan pezee axtegue ylaadetre de dol, porke mén ne rlaa dol, kwiidet men Dëdyuzh.

ROMANOS 16:17

Yra de ne no de rlaleedx Jesucrist, rnab noo lo de ne gap de kwent yra men ne rzobnadil no ne rye gan pezee ysalzaan mén ne rlaleedx men Jesucrist no ne nuu konter por yra ne wseed de; gusalzaan men ne rlaa zenga.

HECHOS 15:2

Lex neguin kesentyent wdildiiz Pabel yra mén guin yrup Pabel Bernabe. Lex wye men ne rlaleedx Jesucrist Pabel yrup Pabel Bernabe no wye men tebëd men ne rlaleedx ke Jesucrist chen tsa men Jerusalén gu men diiz yra men poxter no le yra men mén ne rnebééy lo yra men ne rlaleedx Jesucrist gan pezee ylaa men kwent guin.

HECHOS 6:1

Cheguin ke kom zayakndalre mén ne rlaleedx Jesucrist, wzelo yra mén ne rnii diz-griego re men ne yrandxee dxe ne rgaas ne ru yra wnabyud, zhidoo rkakwent wnabyud ne rnii diz-griego ke lo wnabyud ne rnii diz-hebreo.

1 TESALONICENSES 5:13

gulep xeblaan men no gugyaan men por dxiin ne kalaa men. Ndxi gubán yra de.

2 CORINTIOS 12:20

Porke rdxe noo ne chene ylenza noo lo de wa, rlaadet de zegne rlaan noo, ni noo rlaadet zegne rlaan de yra de. No tegue chene ylenza noo lo de, noze ndxindil de, noze mbidye de, noze rlayalsaa de, noze ngyizh de, noze rninyanlsaa de, noze dizgyizh rtsoow de, noze gya nuu lextoo de, noze xnëzdet ndxin de.

HECHOS 15:39

Ni te ni te men wyandet byen. Por neguin wsalzaanelsaa men; le Bernabe wzano Mark, wuu men bark yrup men za men lyu ne la Chipre ne ka lo nisdoo,

HECHOS 15:7

Chene che wakxche kayuu men diiz, wzuli Bëd, re Bëd: ―Yra de che nan de ne che wakxche wye Dëdyuzh noo lad de yra de, chen tsazëët noo xdiznzoon Jesucrist lo yra mén ne nakdet men-Israel chen ylaleedx meno.

MARCOS 14:5

Mazre wendee ntoo meno zeg lal ne run mos gan te iz, chen nruu med nkyiinen menprob. Lex wakndux men lo wnaa guin.

MATEO 20:11

Zegne wnëëz meno, wzelo men wnii men lo patron guin,

MARCOS 9:14

Chene wberee Jesus ledne ndxin stebëd xpén Ne, wii Ne kesentyent ndalyaa ndalduxtee mén ndxin noze kbii xpén Ne no ndxin ke tebëd maxter ley ne ka kadildiiz yra mén guin.

LUCAS 5:30

Per wzelo yra men ne nak farisew yra men maxter ley ne nuu lad ke men, rnii men por xpén Ne, re men lo men: ―¿Penak ru rootee de yra de men ne rgoob zeg impwest no le yra de mendol?