FILIPENSES 1:13 - Zapotec Santa María Quiegolani

¹³ Yrandxee men ne rapkwent xyuloow rrey no le yra men ne nak noze mén, nan men ne por ne nak noo xpén Jesucrist neguin nuu noo chegyiib.

FILIPENSES 1:13 ပူးပေါင်းရင်းမြစ်များ

2 TIMOTEO 2:9

por neguin kayak noo sufrir axtegue kon kaden nliib noo, penon men ne wlaa gyii; per xdiiz Dëdyuzh nliibdeto.

EFESIOS 3:1

Por ne rzëët noo xdiiz Jesucrist lo de yra de ne nakdet de men-Israel nuu noo chegyiib.

FILIPENSES 1:7

Ryal ne rlebleedx noo zeree por laa de yra de, porke kanzaleedx noo de no porke laa de nak ne run xyudar noo lo ne wseleedx Dëdyuzh lo noo, nigle naaree ne nuu noo chegyiib, nigle chene rruu noo xfabor xdiznzoon Jesucrist, nigle chene rzëët noo ne nli we.

EFESIOS 6:20

Dëdyuzh wxaal noo ne yzëët noo diizree, por laa we nuu noo chegyiib. Gunab lo Dëdyuzh por noo chen ydxedet noo yzëëtre noo xkwent Ne zegne ryal yzëët noo we.

HECHOS 26:29

Lex re Pabel: ―Nyaalzhe stebla stebruundxee o rakre zeg falt, per naleg Dëdyuzh ne let nozdet laa de ylaleedx Jesucrist, sinke no yrandxee mén ne kayon ne rzëët noo nedxeree ylaleedx Jesucrist zegne rlaleedx noo Ne, per sin kadenree.

FILIPENSES 4:22

Yra xpén Jesucrist, axtegue men ne rlaa dxiin ruxyuu rrey-Roma, rxaal diztyuzh lo de yra de.

HECHOS 28:30

Txup iz wuu Pabel te lenyuu diin; nga ruu Pabel diiz yra Pabel mén ne rdxiin lo Pabel.

HECHOS 28:20

Por neguin wbëz noo de yra de chen kwii noo de no chen yzëët noo lo de ne por ne rlaleedx noo ne sban mengut zegne rlaleedx ke yra menlaz bo, por neguin nliib noo kon kadenree.

HECHOS 28:17

Chene wzaa tson gbiz ne wdxiin noo Roma yra noo, wbëz Pabel men-Israel ne mazre nondee. Chene wdop men, re Pabel lo men: ―Zhanbech, bet ne mal wlaadet noo men-Israel, ni bet ne mal wlaadet noo por xkoxtumber xpenkwlal be, no le men wnëëz noo Jerusalén wdekwent men noo lo xtis-Roma.

HECHOS 26:31

wruu men tebkoo; wzelo men rulsaa men diiz, re men: ―Bet ne rzëël guet ménree wlaadet men, ni rzëëldet ne tsuu men chegyiib.

EFESIOS 4:1

Por ne rzëët noo xdiznzoon Jesucrist nuu noo chegyiib. Rnab noo lo de yra de ne xnëz gubán zegne ryal ybán de ne che nak de xpén Ne.

FILIPENSES 1:30

Tese ne rak be sufrir por ne rzëët be xdiznzoon Jesucrist; che wii de pezee wak noo sufrir no naaree ron de diiz pezee kayakre noo sufrir.