APOCALIPSIS 21:7 - Zapotec Santa María Quiegolani

⁷ Log mén ne gun gan ne ylaadetre dol, laa men nak ne gueden yrandxee neree; noo gak XDëdyuzh men, laa men gak zhiin noo.

APOCALIPSIS 21:7 ပူးပေါင်းရင်းမြစ်များ

2 CORINTIOS 6:18

Noo gak Xuz de yra de, laa de gak zhingaan noo no laa de gak zhinzaap noo, zeree re Dëdyuzhnzoon.

HEBREOS 8:10

No re Ne: Chene tesuse yra dxeree, zeree gyan noo diiz ne ylaa noo por men-Israel: Guu noo xley noo lenxtoo men no guu noo we lenlextoo men. Noo gak XDëdyuzh men, laa men gak xpén noo.

APOCALIPSIS 21:3

Lex won noo wlen te rëz ne kesentyent fwert gyeybaa, re rëz guin: ―Le Dëdyuzh che wlenza lad mén, nee tsuu Ne yra Ne men; laa men gak xpén Ne, laa Ne gaknonen men, laa Ne gak XDëdyuzh men.

APOCALIPSIS 2:11

Men ne rkagyedyag diiz, gon men ne rzëët Espíritu Sant lo yra xpén noo: Log mén ne gun gan ne ylaadetre dol, betre gakdetre men sufrir chene yrup tir ne guet mén.”

MATEO 25:34

Kom laa men nak rrey, lex gue men lo yra mén ne ndxin koo men ladbëë: “Gutaa yra de zegne wneleey Dëdyuzh Xuz noo de; gutee ledne rnebééy me ledne che nak por laa de desde ne waa gyëzlyu.

APOCALIPSIS 2:17

Men ne rkagyedyag diiz, gon men ne rzëët Espíritu Sant lo yra xpén noo: Log mén ne gun gan ne ylaadetre dol, noo ydee maná ne nulaan gu men no ydee noo te gyewin ne ngyich lo men; lo gyewin guin ka te la kweb men ne rutlel nandet, sinke nonchee laa men gaknano porke laa men ykakwento.”

MATEO 19:29

No yrandxee mén ne rsan xyuu, rsan bech, rsan bzaan, rsan xuz, rsan xnaa, rsan xewnaa, rsan zhiin, o rsan xelyu por ne nak men xpén noo, skakwent meno stebgwyuu tir no gap ke men gyelembán ne nunk luzhdet.

APOCALIPSIS 2:7

Men ne rkagyedyag diiz, gon men ne rzëët Espíritu Sant lo yra xpén noo: Log mén ne gun gan ne ylaadetre dol, noo ydee nex gu men, nex ne rkaa lo yag ne rguu gyelembán ne zob ledne nuu Dëdyuzh.”

1 PEDRO 3:9

Ychereedet de ne mal por mén ne rlaa ne mal por laa de, ni ychereedet de diznyaan lo mén ne rninyaan lo de; mazdee gunab lo Dëdyuzh chen gaknonen Ne men, porke laa Dëdyuzh wye de ne gaknonen Ne de.

APOCALIPSIS 2:25

Nunegue ne yna noo lo de nak ne ysalzaandet de xdiiz noo ne che nan de axtegue ne chiid noo.

MARCOS 10:17

Chene che nuu Jesus ne yruu Ne nga, noze rzhoon te mén wdxiin men lo Ne. Lex wzuzhib men wnabdiiz men lo Ne, re men: ―Maxter, laa de ne wen de, ¿pagox rap noo degne ylaa noo chen gap noo gyelembán ne nunk luzhdet?

MATEO 25:21

Lex re patron guin lo men: “Weno, te moswen nak de, wen wlaa de; ya ke ne wen wlaa de kon ne zhi, orrenaa yzu noo de ynebééy de ne mazre ndaldee. Gutee, guzhiilen zegne rzhiilen noo.”

ROMANOS 8:14

Yrandxee men ne rlaa ne rlaan Espíritu Sant, zhiin Dëdyuzh nak men.

ROMANOS 8:19

Yrandxee ne wzhexkwaa Dëdyuzh, zoono naal pezee gyengue gan go menzhe nak yra zhiin Dëdyuzh.

2 CORINTIOS 6:16

Nuudet tsuu mdoo lenxeydoo Dëdyuzh. Laa be yra be nak xeydoo Dëdyuzhmbán zegne re Ne: Lad yra xpén noo tsuu noo no yra noo men ykaa, noo gak XDëdyuzh men, laa men gak xpén noo.