APOCALIPSIS 19:7 - Zapotec Santa María Quiegolani

⁷ Yoo yzhiilen be, kesentyent yzhiilen be no saknzoon be Dëdyuzh, porke le or ne gak xdooy Men ne nak zegnak mëkzhiil bëën bëënleg che wdxiin. Le nzeb ne gak xewnaa men che list nak.

APOCALIPSIS 19:7 ပူးပေါင်းရင်းမြစ်များ

APOCALIPSIS 21:9

Zhich guin wdxiid te ke angel ne nak angel guedx ne nzen bas ne yzaa yra guedx gyelentoz ne lultim, lex na ne lo noo: ―Gutaa yluu noo nzaap ne gak xewnaa Men ne nak zegnak mëkzhiil bëën bëënleg lo de.

APOCALIPSIS 21:2

No wii noo, nes lo Dëdyuzh wruu xgyëz Ne gyeybaa wyabo gyëzlyu, gyëz guin nak Jerusalén-kweb; kesentyent nzhexkwaa we zegnak te nzaap ne che wal ytsëlnya.

2 CORINTIOS 11:2

Porke ryaan noo de zegne ryaan ke Dëdyuzh de, porke che re noo lo Jesucrist ne noo nak ne ylaa ne ydxiin de lo Ne zegnak te nzaap ne gardet tsuno mgyeey.

MATEO 22:2

―Ne rkyeen Dëdyuzh nak zegnak te rrey ne wlaa xdooy xpee.

APOCALIPSIS 19:9

Zhich guin na angel lo noo: ―Gukagyiich: “Nzoon mén ne nak myooz lo xdooy Men ne nak zegnak mëkzhiil bëën bëënleg.” No na ne lo noo: ―Xdiiz Dëdyuzh nak diizree, nli we.

EFESIOS 5:32

Kesentyent ngan ydee mén kwent neree ne re, “yrup men zenga gak men zegnak tebegue mén”, per zeree rna we: yra men ne rlaleedx Jesucrist nak men zegnak xkwerp Jesucrist.

JUAN 3:29

Lo te dooy, mgyeey ne rtsëlnya laa men rzuno nzeb. Le xmig men ne zu nga, kesentyent rzhiilen men ne ron men ne rnii mén guin. Zenga ke kesentyent rzhiilen noo orree ne le Ne zu nee.

EFESIOS 5:23

Porke xemgyeey wnaa rnebééy lo wnaa zegne rnebééy Jesucrist lo yra xpén Jesucrist; laa yra mén guin nak zegnak xkwerp Ne; laa Ne wselaa men lo dol.

LUCAS 12:36

Gusu zegne rzu te mos ne noze kambë́z gan pa or yberee xpatron men ne za te dooy, chen yxal men yuu zegne ykanya xpatron men txuyaglaa or ne yberee xpatron men.

FILIPENSES 3:3

Porke laa be yra be nak men ne nlipee nuu beey, laa be nak men ne rzaknon Dëdyuzh por XEspíritu Ne no nzoon nuu lextoo be ne nak be xpén Jesucrist no rkalodet be xkoxtumber mén.

MATEO 1:20

Zenga rlebleedx men chene wlalo te xangel Dëdyuzh lo men lo mkaal, re angel guin: ―Xeb ne zëëd xnëz David, ydxedet de ytsëlnyano de Mli, porke mëëd ne gap men, por xpoder Espíritu Sant wuu ne.

APOCALIPSIS 11:13

Orke guin kesentyent wni lyu, wzenyuu tebchii lal ne nak gyëz guin, wet guedxmil mén. Le yra mén ne wetet, kesentyent wdxe men, wzelo men wzaknon men Dëdyuzhnzoon.