APOCALIPSIS 11:7 - Zapotec Santa María Quiegolani

⁷ Per chene gyal yzëët men xdiiz Dëdyuzh, yruu te mazab lenpos ne kesentyent gyët, til ma men, gun ma gan lo men, yket ma men.

APOCALIPSIS 11:7 ပူးပေါင်းရင်းမြစ်များ

APOCALIPSIS 13:7

No wkakwent ma poder chen til ma xpén Dëdyuzh axtegue ne gun ma gan lo men, no wkakwent ma poder chen ynebééy ma lo yralondxee mén, no le lo yrandxee gyëz, no le lo yrandxee mén ne rnii wren wren diiz, no le lo yrandxee nacion.

JUAN 17:4

’Che wbonyoo noo xgyelenzoon de nee gyëzlyuree no che wseyal noo ne wxaal de noo ylaa noo.

LUCAS 13:32

Wke Ne re Ne lo men: ―Gutsa gue de lo mëëzro nak Herodes: “Nedxeree no le yzhe koo noo menzab lextoo mén no yneseyaken noo mengyiz; wiz gyal noo.”

APOCALIPSIS 13:11

Zhich guin wii noo ste mazab ne wruu lenlyu; txup xdxit ma zob, nak xdxit ma zegnak xdxit mëkzhiil, per rnii ma zegne rnii dragón.

APOCALIPSIS 11:3

Noo yxaal txup xpén noo ynii por noo temilno-txupgwyuuno-tsonlal gbiz; lër ne rak mén ne ruu gyelgut gak men yrup men.

HECHOS 20:24

Per ni zadeto lextoo noo, ni xgyelembán noo rkaadet lextoo noo, nonchee ne rlaan noo nak ne yseyal noo dxiinree ne wseleedx Jesucrist lo noo ne yzëët noo diznzoon ne wseleedx Dëdyuzh.

2 TIMOTEO 4:7

Wzudíp noo wlaa noo xdxiin Dëdyuzh zegnak te soldad ne wa lo dil, che wseyal noo ne ryal ylaa noo, wsalzaandet noo ne rlaleedx noo Jesucrist.

JUAN 19:30

Chene wluzh woo Ne binaguer guin, re Ne: ―Le we yra we che wak. Nonchee neguin re Ne, wlitlo Ne, wetgue Ne.

LUCAS 8:31

Lex wnab menzab lo Ne ne yxaaldet Ne men lenpos ne kesentyent gyët.

APOCALIPSIS 12:17

Por neguin wlayaa ma lo wnaa guin, wa ma wdil ma yra mén ne zëëd xnëz wnaa guin; laa yra mén guin nga rlaa ne rkyeen Dëdyuzh, zanal men xdiiz Jesucrist.