APOCALIPSIS 10:11 - Zapotec Santa María Quiegolani

¹¹ Zhich guin na angel guin: ―Rap de degne yberee de yzëët ke de ne sak ndal gyëz, ne sak ndal nacion, ne sak ndal mén ne rnii wren wren diiz, no le ne sak rrey.

APOCALIPSIS 10:11 ပူးပေါင်းရင်းမြစ်များ

APOCALIPSIS 17:15

No na angel guin lo noo: ―Lo nisnaal ne wii de ne zob wnaa ne rkano wren wren mgyeey, nis guin rna yra gyëz, yra menroo menduxtee, yra men ne rnii wren wren diiz, no le yra nacion.

APOCALIPSIS 14:6

Zhich guin wii noo ste angel ne kazhobee gwrooltee gyeybaa zaneey ne xdiznzoon Jesucrist, diiz ne nunk luzhdet, chen yzëët no lo yrandxee mén ne nuu gyëzlyu, no le lo yrandxee nacion, no le lo yralondxee klas mén, no le lo yrandxee men ne rnii wren wren diiz, no le lo yrandxee gyëz.

APOCALIPSIS 11:9

Tson gbizgwrol kwii mén gaa xkwerp yrup ménree nga; yrandxee gyëz, yralondxee klas mén, yrandxee mén ne rnii wren wren diiz, yrandxee nacion kwii we, no ydeedet yra mén guin si tsugyeer men.

APOCALIPSIS 5:9

Lex rolbaan mengol guin te kantkweb, zeree za we: Laa de nak ne ryal gob gyiich gwa no ne ryal yxal yra sey ne zemzëë we; porke wket mén de, kon xren de wka de yralondxee mén chen gak men xpén Dëdyuzh, nyaalzhe txu xnëztezhe zëëd men, nyaalzhe pe diiztezhe rnii men, nyaalzhe txu méntezhe nak men, nyaalzhe pe naciontezhe ngab men.

APOCALIPSIS 10:10

Lex wnëëz noo gyiich guin nya angel guin, wu noo we; lenruu noo waknexo zegnak dxin, per chene wluzh wu noo we, waknla we lenlextoo noo.

APOCALIPSIS 11:1

Orguin wkakwent noo te gobkyii ne nak zegnak te bëg ne rkyiinen mén chene rdiix men, no won noo te rëz ne na lo noo: ―Gusuli, gutsa ydiix de xeydoo Dëdyuzh no ydiix de lo fkuuk no ylab de gan blazh mén rzaknon Dëdyuzh lenydoo guin.

APOCALIPSIS 17:10

no rna ko yra guedx rrey. Gaay rrey guin che wluzh, te men nak ne rnebééy naaree, le ste men gyed ynebééy; per chene ynebééy men guin ne gyed ynebééy, ydiidet men xche.

APOCALIPSIS 17:12

’Yra chii xdxit maa guin ne wii de, rna yra chii rrey ne gardet ynebééy, per chene ynebééy men yra men mazab, tendxee or ynebééy men.