2 TIMOTEO 2:11 - Zapotec Santa María Quiegolani

¹¹ Diizree nli we: Belne wet be yra be Ne, zenga ke ybán be yra be Ne;

2 TIMOTEO 2:11 ပူးပေါင်းရင်းမြစ်များ

ROMANOS 6:8

Belne che wet be yra be Jesucrist, zenga ke ylaleedx be ne sbán be yra be Ne.

1 TIMOTEO 1:15

Wdxiid Jesucrist gyëzlyu chen yselaa Ne yrandxee mendol. Rap mén degne ylaleedx mén diizree porke nli we; no delo lo yrandxee mén ne zeeb dol, noo nak te men ne ntozdee zeeb dol.

ROMANOS 6:5

No belne che wet be yra be Ne, zenga ke yban be zegne wban ke Ne.

2 CORINTIOS 4:10

Ledne za ledne zutee noo, rlaan mén yket men noo zegne wket men Jesucrist, chen zenga por noo yra noo gyen ne mbán Ne.

JUAN 14:19

Wyob kwiidetre men ne nak noze mengyëzlyu noo, per laa de swii de noo no zap de gyelembán ne rap noo porke noo mbán noo.

TITO 3:8

Diizree nli we; por neguin rlaan noo ne sudíp de yzëët do, chen tsulyaaz yra mén ne rlaleedx Dëdyuzh ylaa men ne wen. Laa neree nak ne wen no ne rkyiin por yrandxee mén.

1 TESALONICENSES 5:10

Wet Jesucrist por laa be, chen niguelzhe wet be, niguelzhe mbán be, per yra be Ne tsuu.

1 TESALONICENSES 4:17

Zhich guin gyepgya be lad bëw yra be ne nak be xpén Ne ne benak mbán, chen ytsëlo be Ne lo mee yra be men, zenga gya be tsuu be yra be Ne ydeblo siguelendxee.

2 CORINTIOS 13:4

Nli ne wet Jesucrist lo kruz zegnak mén ne yëten poder, per mbán Ne por xpoder Dëdyuzh; no zenga ke nak noo yra noo, nak noo zegnak mén ne yëten poder, per kom che xpén Jesucrist nak noo, kon xpoder Dëdyuzh rseleedx Ne gyelembán lo noo chen gun noo xyudar de yra de.

1 TIMOTEO 3:1

Diizree nli we: belne nuu te mgyeey ne rlaleedx Jesucrist rlaan ynebééy lo yra xpén Jesucrist, te dxinwen nak neguin ne rlaan men ylaa men.