2 TESALONICENSES 1:6 - Zapotec Santa María Quiegolani

⁶ Ryal ne yzakzi Dëdyuzh yra mén ne rlaa ne rak de sufrir.

2 TESALONICENSES 1:6 ပူးပေါင်းရင်းမြစ်များ

COLOSENSES 3:25

Per le mén ne rlaa ne mal, zuu xkastig men por ne mal ne rlaa men, porke kwedet Dëdyuzh mén chene ylaa Ne gyelextis.

APOCALIPSIS 6:10

Kesentyent ndíp rnii yra mén guin, re men: ―Dëdyuzh, bet dol neeydet de no nli rnii de. ¿Pa axtegue or nak ne ylaa de gyelextis ne yzakzi de yra mén ne nuu gyëzlyu ne wket men noo?

APOCALIPSIS 19:2

Porke laa Ne si nli rlaa gyelextis no xnëz rlaa No, porke wguu Ne xkastig mengyëzroo gwa ne wak zegnak wnaa ne rkano wren wren mgyeey. Laa men wxiin yrandxee mén ne nuu gyëzlyu kon ne nzaz ne wlaa men; le Ne che wboo xgyelnaa lo mengyëz gwa ne wket men yra mén ne wlaa xdxiin Ne.

APOCALIPSIS 18:20

Yrandxee de ne nuu de gyeybaa, guzhiilen por yra ne wzak gyëz gwa, no guzhiilen laa de ne nak de xpén Dëdyuzh no le laa de ne nak de poxter no le laa de ne nak de profet; porke gyelextis wlaa Dëdyuzh lo mengyëz gwa por yra ne wlaa men de.

APOCALIPSIS 15:4

¿Txuzh nak ne ydxedet de Dëdyuzhe, no txuzh saknondet de? Si tendxee de nak ne bet dol rlaadet, schiid yrandxee mengyëzlyu saknon men de porke che wyenen men ne xnëz yrandxee ne rlaa de.

APOCALIPSIS 11:18

Wlayaa yra mengyëzlyu lo de, per che wdxiin dxe ne konyoo de ne no de rlayaa lo men no che wdxiin dxe ne ylaa de gyelextis lo mengut no ydee de ne ryal yra profet ne wlaa xdxiin de no le ne ryal yra mén ne nak xpén de no le ne ryal yra mén ne rzaknon de, nigle men ne non, nigle men ne zhi non, no sluzh de yra mén ne rluzh yra mén ne nuu gyëzlyu.

APOCALIPSIS 18:24

Laa gyëz gwa nak ne rap dol ne wket mén yra profet no le yra xpén Dëdyuzh no le yrandxee mén ne wet ydendxee gyëzlyu.

HEBREOS 6:10

Porke kesentyent xnëz rlaa Dëdyuzh, rnitleedxdet Ne yra ne wen ne rlaa de no rnitleedxdet Ne ne wbonyoo de ne ryaan de Ne por ne wun de xyudar yra men ne nak xpén Ne no por ne le de benak kalaa we.