2 CORINTIOS 13:11 - Zapotec Santa María Quiegolani

¹¹ Ne lultim ne yna noo lo de yra de, guzhiilen, xnëz gugak zegne ryal gak de, gugulsaa lextoo de te te de, tebegue gugak, ndxi gubán. Lex laa Dëdyuzh gaknonen de porke laa Ne si rseleedx Ne gyelendxi lo de no ryaan Ne de.

2 CORINTIOS 13:11 ပူးပေါင်းရင်းမြစ်များ

HEBREOS 12:14

Guye gan pezee gakndxi de lo yrandxee mén, guye gan pezee axtegue ylaadetre de dol, porke mén ne rlaa dol, kwiidet men Dëdyuzh.

1 CORINTIOS 1:10

Por la Jesucrist rnab noo lo de yra de ne no de rlaleedx Ne, ne tebegue gugak, gaktxupdet de, sinke tebegue ne gulebleedx, tebegue ne gulaa.

ROMANOS 12:16

Xnëz gubán yra de; tsugyadet lextoo de, sinke gutsëlsaa men ne probendxee rnaa, no ydxindet de ne tsuu lextoo de ne laa de nandee.

ROMANOS 15:33

Dëdyuzh yseleedx gyelendxi lo de, laa Ne gaknonen de yra de. Zengaw.

ROMANOS 12:18

Gukwii gan pezee gulaatee chen ybán de ndxi yra de semén de.

MARCOS 9:50

Zëd, ne wen nako; per belne gaknzhidetro, ¿pezee gak gaknzhi we ste? Gugak zegnak zëd yra de, ndxi gubán yra de semén de.

1 PEDRO 3:11

Rap men degne ysalzaan men ne mal, ylaa men ne wen. Ye men gan pezee ybán men ndxi, lex zenga ybán men, ysalzaandet meno.

2 CORINTIOS 13:14

Laa Jesucrist gaknonen de, laa Dëdyuzh gyaan de, laa Espíritu Sant ylaa ne tebegue gak de yra de Ne. Zengaw.

2 CORINTIOS 13:9

Por neguin rzhiilen noo chene fwertet noo, le laa de yra de fwert de. No rsalzaandet noo rnab noo lo Dëdyuzh chen gakxnëz xnëzendxee de.

1 PEDRO 5:10

Per chene che wak de sufrir txup tson gbiz, laa Dëdyuzh ne rseleedx yrandxee kos lo be ylaa ne gakxnëz de no ne ysalzaandet de ne rlaleedx de Jesucrist, laa Ne yseleedx fwers lo de, laa Ne ylaa ne tebegue tsuu lextoo de, no laa Ne wye be por Jesucrist chen yganen be xgyelenzoon Ne ne nunk luzhdet.

1 PEDRO 3:8

Por neguin na noo: tebegue ne gulebleedx yra de, gugap lextoo de xkompanyer de, gugyanelsaa zegnak mén ne ryaan bech, gules lextoo de men, tsugyadet lextoo de.

SANTIAGO 1:4

Per rap de degne ysalzaandet de ne gap de pasens, chen gakxnëz de no chen tsuxnëz xgyeryen de, bet gakdet falt lo de.

2 TESALONICENSES 2:16

Jesucrist yrup Ne Dëdyuzh Xuz be ne ryaan be no ne rguu lextoo be ydeblo siguelendxee no ne yniiz te ne wen ne ykakwent be por xgyelwen Ne,

1 TESALONICENSES 4:1

Orrenaa ynab noo lo de yra de no yna noo lo de por la Jesucrist ne zegwa zegne che mbán de zegne wneluu noo de ne ybán de, zegwa gubánre, chen ybán de zegne rtseleedx Dëdyuzh.

FILIPENSES 4:9

Gulaa zegne wneluu noo de, gulaa zegne na noo lo de, gulaa zegne won de wzëët noo, gulaa zegne wii de ne wlaa noo. Gulaa yra neree, lex laa Dëdyuzh yseleedx gyelendxi lo de no gaknonen ke Ne de.

FILIPENSES 1:27

Noze ne guye gan pezee ybán de zegne ryal ybán de ne nak de xpén Jesucrist, chen zenga niguelzhe chiid noo wii lo de, niguelzhe chiidet noo, per rlaan noo gon noo diiz ne rsalzaandet de ne tebegue nak de, tese rye de gan pezee ylaa de chen ylaleedxre de xdiznzoon Jesucrist,

ROMANOS 16:20

Wyob ylaa Dëdyuzh ne rseleedx gyelendxi ne ykuudx de Bzelo. Jesucrist gaknonen de yra de.

ROMANOS 15:13

Dëdyuzh rlaa ne raknan be ne zak yra ne re Ne ne ylaa Ne, laa Ne ylaa ne kesentyent yzhiilen de, laa Ne yseleedx gyelendxi lo de por ne rlaleedx de Ne chen por xpoder Espíritu Sant mazre gaknanwen be ne zak yra ne re Ne ne ylaa Ne.

APOCALIPSIS 22:21

Jesucrist gaknonen de yra de. Zengaw.

HEBREOS 13:20

Dëdyuzh rseleedx gyelendxi no laa Ne wneban Jesucrist ne rapkwent be zegnak te men ne kesentyent wen rapkwent mëkzhiil no laa Ne wsan ne kon xren Jesucrist yláá mén lo dol ydeblo siguelendxee,

2 TIMOTEO 2:22

Ylaadet de ne mal ne rlaan menyu ylaa menyu, xnëz gubán, ysalzaandet de ne rlaleedx de Jesucrist, gugyaan semén de, ndxi gugak yra de men ne rnab lo Jesucrist ydebgyiky ydeblextootee.

2 TESALONICENSES 3:16

Dëdyuzh yseleedx gyelendxi lo de yra de nyaalzhe gan pe rzaktee de no laa Ne gaknonen de.

1 TESALONICENSES 5:23

Dëdyuzh rseleedx gyelendxi lo de, laa Ne ygyitxee yra yrandxee xdol de, no laa Ne gaknonen de ydebnak de, ydebxespíritu de, ydebxanem de, no ydebxkwerp de, chen axtegue bet ynadet Ne lo de chene chiid Jesucrist ste.

1 TESALONICENSES 5:16

Tebegue gyelgwzhiil guguu lextoo de,

1 TESALONICENSES 5:13

gulep xeblaan men no gugyaan men por dxiin ne kalaa men. Ndxi gubán yra de.

1 TESALONICENSES 4:18

Por neguin gugulsaa lextoo de te te de kon diizree ne na noo lo de yra de.

FILIPENSES 4:4

Syemper guzhiilen yra de por Jesucrist. Ynague noo we ste: ¡Guzhiilen!

FILIPENSES 4:2

Orrenaa rnab noo lo Evodia no le lo Síntique ne tebegue gak men por ne rlaleedx men Jesucrist.

FILIPENSES 3:16

Per logne ylaa be si, rap be degne ybán be zegne che rdee be kwent.

EFESIOS 6:23

Dëdyuzh Xuz be yrup Ne Jesucrist yseleedx gyelendxi lo yrandxee men ne rlaleedx Jesucrist, no ylaa Ne ne gyanelsar men por ne rlaleedx men Jesucrist.

2 CORINTIOS 1:4

Laa Ne nak ne rguu lextoo be chene rak be sufrir lo yrandxee ne rzak be, chen gun ke be gan guu be lextoo mén ne rak sufrir; zegne rguu Ne lextoo be, zenga ke guu be lextoo men ne rak sufrir.

HECHOS 23:30

Kom waknan noo ne che wyan men-Israel diiz ne yket men men, por neguin wxaal noo men lo de wa. Che wnab noo lo yra mén ne rkagyii men ne lo de yzëët men gan pe kwentzhe rkagyii men men.”

HECHOS 18:21

Ne wruu Pabel nga, re Pabel lo men: ―Rap noo degne Jerusalén tee noo lni ne zëëd. Belne yna Dëdyuzh yberee ke noo ste, chiid noo wii lo de yra de. Lex wuu Pabel bark, wruu Pabel Efeso.

HECHOS 15:29

gudetre de ne che wseleedx mén lo mdoo, ni gudet de ren, ni gudet de xbëël maa ne rxedet ren, ni ykanodetgue de xkompanyer de belne gardet ytsëlnya de. Belne gap de kwent ne ylaadet de yra neree, wen ylaa de. Wen tsa lo xgyelembán de.”

JUAN 17:23

Noo raknonen men, laa de raknonen noo, chen gak men tebegue yra men zegne ryal gak men, no chen zenga gyenen mengyëzlyu ne laa de wxaal noo zëëd noo no gyenen mengyëzlyu ne ryaan de yra menree zegne ryaan ke de noo.

LUCAS 9:61

Lex re men ste men lo Ne: ―Dechey, sanal noo de, per primer gudee si tsaluu noo diiz lo xfamilye noo.

MARCOS 10:49

Orguin wzutsë Jesus, lex re Ne: ―Gukwëz men. Orguin wbëz mén men, re men lo men: ―Ndíp guguu lextoo de, gusuli. Laa de rbëz Jesus.

MATEO 5:48

Xnëz gugak yra de zegne xnëz nak Dëdyuzh Xuz be ne zob gyeybaa.

MATEO 1:23

Gakzhiin te nzeb-benak, gap men te mëdbee ne sela Emanuel. Emanuel rna: Dëdyuzh zu kon laa be.

EFESIOS 4:3

Guye gan pezee gaktesre de zegne wseleedx Espíritu Sant por gyelendxi ne wlaa ne wak de tese yra de.

ROMANOS 14:19

Por neguin yoo ye be gan pezee ybánendxi be no gan pezee ylar be zegne zëëd lo xdiiz Dëdyuzh yra be xkompanyer be.

EFESIOS 4:12

Zenga wlaa Ne chen yseed be yra be ne nak be xpén Ne ylaa be xdxiin Ne no chen gun be xyudar xpén Ne chen mazre ylaleedx men Ne,

1 TESALONICENSES 3:10

Dxe gyëëltee rnab noo lo Dëdyuzh chen yna Dëdyuzh chiid noo wii lo de ste, chen yzëëtre noo xdiiz Jesucrist ne rak falt gaknan de.

2 TESALONICENSES 3:1

Orrenaa yra de ne no de rlaleedx Jesucrist, yna noo lo de, gunab lo Dëdyuzh por noo yra noo chen gyiid gyiidske yrëëts xdiiz Jesucrist yrandxee lugar no chen saknon méno zegne wak lad de yra de.