2 CORINTIOS 1:4 - Zapotec Santa María Quiegolani

⁴ Laa Ne nak ne rguu lextoo be chene rak be sufrir lo yrandxee ne rzak be, chen gun ke be gan guu be lextoo mén ne rak sufrir; zegne rguu Ne lextoo be, zenga ke guu be lextoo men ne rak sufrir.

2 CORINTIOS 1:4 ပူးပေါင်းရင်းမြစ်များ

1 TESALONICENSES 5:11

Por neguin gugulsar lextoo xkompanyer de no gugunelsar xyudar xkompanyer de zegne che ke kalaa de, chen ylaleedxre men Jesucrist.

HEBREOS 12:12

Por neguin guguu fwers nii nyatee de, mase che wzagueno no mase che wra we fwers.

JUAN 14:18

Ysandet noo de zegnak bzeb; sberee ke noo lo de.

JUAN 14:16

Noo ynab lo Xuz noo ne yxaal me te Espíritu ne guu lextoo de yra de no ne gaknonen de ydeblo siguelendxee;

JUAN 14:26

per laa Espíritu Sant ne yxaal Xuz noo por la noo guu lextoo de no yneluu yrandxee kos lo de, no laa Ne ylaa ne ykanzaleedx de yrandxee ne wzëët noo lo de.

1 TESALONICENSES 4:18

Por neguin gugulsaa lextoo de te te de kon diizree ne na noo lo de yra de.

2 CORINTIOS 7:13

Por laa we nak ne wuxnëz lextoo noo yra noo. Per let nozdet wuxnëz lextoo noo, sinke kesentyent wzhiilen noo ne wii noo ne rzhiilen Tito, porke wgutebli de lextoo Tito yra de.

FILIPENSES 1:14

No ne rwii yra men ne rlaleedx Jesucrist ne nuu noo chegyiib, mazre rkalo men Ne; ndal men kesentyent rguu lextoo rzëët men xdiiz Ne lo mén sin ne bet rdxedet men.

2 CORINTIOS 7:4

Nanwen noo ne wen rlaa de yra de, no kesentyent nzoon nuu lextoo noo por laa de. Mase noze ndal ne kayak noo sufrir, per lel mazre rguu lextoo noo no kesentyent rzhiilen noo.