1 TIMOTEO 2:2 - Zapotec Santa María Quiegolani

² Gunab por gobyeren no le por yrandxee xtis, chen ybán be xnëz, tildet be, wen tsanal be xnëz Dëdyuzh, no ybán be zegne ryal ybán be.

1 TIMOTEO 2:2 ပူးပေါင်းရင်းမြစ်များ

1 TESALONICENSES 4:11

No guye gan pezee gulaa chen ybán de xnëz, laake de gutsulyaaz de, no gulaa dxiin chen ydxinaa de ne gu de zegne che ke na noo lo de yra de,

HEBREOS 12:14

Guye gan pezee gakndxi de lo yrandxee mén, guye gan pezee axtegue ylaadetre de dol, porke mén ne rlaa dol, kwiidet men Dëdyuzh.

ROMANOS 12:18

Gukwii gan pezee gulaatee chen ybán de ndxi yra de semén de.

FILIPENSES 4:8

Ne lultim yna noo lo de yra de, teblose ne nli gulebleedx, teblose ne ryal, teblose ne xnëz, teblose ne doldet, teblose ne wen, teblose ne ryeep xeblaan; teblose ne wen ne rap me degne saknon me, neguin gulebleedx.

HECHOS 24:16

Por neguin mase gan pezee rlaatee noo, per syemper xnëz nuu xgyeryen noo, nigle nes lo Dëdyuzh, nigle nes lo mén.

HECHOS 10:22

Wke men re men: ―Laa kapitan ne la Cornel wxaal noo; te mén ne xnëz rlaa no ne rzaknon Dëdyuzh nak Cornel; yrandxee men-Israel raknzebnëz lo Cornel. Laa te xangel Dëdyuzh re lo Cornel ne yxaal Cornel noo chidtxii noo de, chen tsa de ruxyuu Cornel, gon Cornel ne gue de lo Cornel.

LUCAS 2:25

Cheguin ke wuu te mén ne la Simeon gyëz-Jerusalén. Xnëz wbán men, kesentyent wzaknon men Dëdyuzh; kambë́z men kwii men men ne yselaa men-Israel lo dol. Laa Espíritu Sant raknonen men,

LUCAS 1:6

Xnëz wbán Zacari yrup lzaa Zacari nes lo Dëdyuzh no wlaa men yra ne rkyeen Ne no yra ne rnebééy Ne. Rut gundet gan pe gue por laa men.