1 TIMOTEO 1:15 - Zapotec Santa María Quiegolani

¹⁵ Wdxiid Jesucrist gyëzlyu chen yselaa Ne yrandxee mendol. Rap mén degne ylaleedx mén diizree porke nli we; no delo lo yrandxee mén ne zeeb dol, noo nak te men ne ntozdee zeeb dol.

1 TIMOTEO 1:15 ပူးပေါင်းရင်းမြစ်များ

MARCOS 2:17

Ne won Jesus ne re men zenga, re Ne lo men: ―Men ne ngyëël, rkyiinden men doctor, sinke men ne rzhuun, men guin rkyiinen doctor. Noo zëëdet noo zëdye noo menwen, sinke le noo zëdye mendol.

LUCAS 19:10

Le Men ne wdxiid wak Mén zëdye mén ne che wak perdid chen yselaa men men lo dol.

JUAN 12:47

Men ne ron xdiiz noo per rukasdet meno, let noodet yzakzi men; porke zëëdet noo por ne yzakzi noo mén, sinke le noo zëëd por ne yselaa noo mén lo dol.

JUAN 1:12

Per le yrandxee mén ne wukas Ne no ne wlaleedx Ne, wlaa Ne men zhiin Dëdyuzh,

LUCAS 5:32

Noo zëëdet noo zëdye noo menwen, sinke le noo zëdye mendol chen ysaan men xgyelmal men.

1 JUAN 3:5

Laa de che nan de ne wdxiid Jesucrist gyëzlyu wgyitxee Ne xdol mén, no bet dol wlaadet Ne.

1 TIMOTEO 1:13

mase chekwlo wnii noo diznyaan por laa Ne, wkanal noo xpén Ne no wninyaan noo lo men. Per wles lextoo Dëdyuzh noo, porke gardet ylaleedx noo Ne cheguin no ni nandet noo pe wlaa noo.

MATEO 20:28

Zegnak Men ne wdxiid wak Mén zëëdet men por ne ylaa mén dxiin lo men, sinke le men zëëd por ne ylaa men dxiin lo mén no por ne guet men chen yselaa men ndal mén lo dol.

1 CORINTIOS 15:9

Porke noo nak men ne zhidee non ke lo yra poxter, ni ryaldet ne sela noo poxter, porke winyaan noo yra men ne rlaleedx Jesucrist.

JUAN 1:29

Ne wra gyëël wii Xwa ne zabig Jesus lo Xwa, lex re Xwa: ―Gukwii, laa ménree nga wxaal Dëdyuzh chen guet men zegnak te mëkzhiil bëën bëënleg chen guezh xdol mengyëzlyu.

MATEO 9:13

Gugya, guseed gan pe rna ne ka lo xgyiich Dëdyuzh ledne re: “Logne rlaan noo nak ne yles lextoo de semén de, lugar ne rket de maa lo fkuuk.” Noo zëëdet noo zëdye noo menwen, sinke le noo zëdye mendol chen ysaan men xgyelmal men.

MATEO 1:21

Gap men te mëdbee, ynesela de ne JESUS, porke laa ne yselaa yra xpén ne lo xdol men.

HEBREOS 7:25

Por neguin run Ne gan rselaa Ne mén lo dol, chen por laa Ne ydxiin men lo Dëdyuzh, porke ydeblo siguelendxee mbán Ne chen ynab Ne lo Dëdyuzh por laa men.

1 TIMOTEO 4:9

Diizree nli we; yrandxee mén rap degne ylaleedxo.

ROMANOS 5:6

Chekwlo chene bet wakdet nlaa be por ne nyak perdon xdol be, laatee cheguin wdxiid Jesucrist wet Ne por xdol be ne nak be mendol.

1 JUAN 3:8

Per le mén ne rlaa dol, xpén Bzelo nak men, porke desde ne waa gyëzlyu rlaa Bzelo dol. Wdxiid Jesucrist XPee Dëdyuzh nee gyëzlyuree chen yluzh Ne yra ne rlaa Bzelo.

1 TIMOTEO 3:1

Diizree nli we: belne nuu te mgyeey ne rlaleedx Jesucrist rlaan ynebééy lo yra xpén Jesucrist, te dxinwen nak neguin ne rlaan men ylaa men.

EFESIOS 3:8

Mase noo nak men ne zhidee non ke lo yra men ne nak xpén Dëdyuzh, per por xgyelwen Ne wseleedx Ne lo noo ne yzëët noo xdiznzoon Jesucrist lo yra mén ne nakdet men-Israel, laa we nga nak ne kesentyent nzoon ne yseleedx Jesucrist lo be.

APOCALIPSIS 22:6

Lex na angel lo noo: ―Yra diizree nli we; ryal ylaleedx méno. Laa Dëdyuzh rguu lextoo yra profet, laake Ne wxaal xangel Ne chen yluu xangel Ne lo yra mén ne rlaa xdxiin Ne yra ne che wyob gak.

APOCALIPSIS 5:9

Lex rolbaan mengol guin te kantkweb, zeree za we: Laa de nak ne ryal gob gyiich gwa no ne ryal yxal yra sey ne zemzëë we; porke wket mén de, kon xren de wka de yralondxee mén chen gak men xpén Dëdyuzh, nyaalzhe txu xnëztezhe zëëd men, nyaalzhe pe diiztezhe rnii men, nyaalzhe txu méntezhe nak men, nyaalzhe pe naciontezhe ngab men.

TITO 3:8

Diizree nli we; por neguin rlaan noo ne sudíp de yzëët do, chen tsulyaaz yra mén ne rlaleedx Dëdyuzh ylaa men ne wen. Laa neree nak ne wen no ne rkyiin por yrandxee mén.

2 TIMOTEO 2:11

Diizree nli we: Belne wet be yra be Ne, zenga ke ybán be yra be Ne;

HECHOS 3:26

Chene wneban Dëdyuzh XPee Ne, primer lo de yra de wxaal Ne XPee Ne chen yneleey Ne de chen ysalzaan de xgyelmal de te te de.

JUAN 3:36

Men ne rlaleedx XPee Ne, che rap men gyelembán ne nunk luzhdet, per le men ne nadet ylaleedx XPee Ne, gapdet men gyelembán guin, sinke cheguel sguu Dëdyuzh xkastig men.

APOCALIPSIS 21:5

Orguin re Dëdyuzh: ―Noo rlakweb yrandxee kos. No na Ne lo noo: ―Gukagyiich yra neree, porke diizree nli we, ryal ne ylaleedx méno.

1 JUAN 5:11

Laa ne wzëët Ne nga nak ne por Jesucrist XPee Ne wniiz Ne gyelembán ne nunk luzhdet lo be.

1 TIMOTEO 1:19

Ysalzaandet de ne rlaleedx de Jesucrist; xnëz guguu xgyeryen de. Porke nuu mén por ne xnëzdet nuu xgyeryen men wsalzaan men ne rlaleedx men Jesucrist.

MATEO 18:10

’Gugap kwent, gakmaldet de ni te lo men ne gyed wzelondxee rlaleedx noo. Porke yna noo lo de yra de, yzaandxee dxe zu yra angel ne rapkwent men lo Xuz noo ne zob gyeybaa.

HECHOS 11:18

Chene won mén guin zenga, betre redet men, wzelo men wzaknon men Dëdyuzh, re men: ―No ke lo yra mén ne nakdet men-Israel wseleedx Dëdyuzh ne ysaan men xgyelmal men, chen gap men gyelembán ne nunk luzhdet.

HECHOS 11:1

Won yra poxter diiz no le yra men-Judea ne rlaleedx Jesucrist, ne no mén ne nakdet men-Israel che rlaleedx xdiiz Dëdyuzh.

LUCAS 15:2

Lex wzelo yra men ne nak farisew yra men maxter ley rnii men por laa Ne, re men: ―Ménree rtsëlsaa men mendol no ru men yra men men.

ROMANOS 11:14

porke rlaan noo ne gakmbidye menlaz noo chene kwii men logne kalaa noo lad de, chen no men ylaan yláá lo dol.

1 TIMOTEO 6:13

Orrenaa nes lo Dëdyuzh ne rseleedx gyelembán lo yrandxee ne nuu no le nes lo Jesucrist ne wzëët diznli nes lo Poncio Pilato, ykyeen noo de

MATEO 18:11

Porke le Men ne wdxiid wak Mén zëëd chen yselaa men mén ne che wak perdid lo dol.