1 TESALONICENSES 4:9 - Zapotec Santa María Quiegolani

⁹ Le xkwent ne ryanelsaa de, che rkyiindetre ne yzëët noo we lo de, porke che nan de gan pezee wsan Dëdyuzh ne gyanelsaa de.

1 TESALONICENSES 4:9 ပူးပေါင်းရင်းမြစ်များ

1 JUAN 3:11

Laa diizree nak ne che won de axtegue chekwlo: ne gyanelsaa be semén be.

ROMANOS 12:10

Gugyanelsaa yra de zegne ryaan ke de bech de; gusaknonelsaa no gugaknzebnëzlsaa.

1 JUAN 3:23

Neree nak ne wkyeen Ne ne ylaa be: ylaleedx be Jesucrist XPee Ne no gyanelsaa be te te be zegne wkyeen Ne be.

1 JUAN 4:21

No laake Dëdyuzh nak ne re: men ne ryaan Dëdyuzh, rap men degne gyaan ke men semén men.

HEBREOS 13:1

Ysalzaandet de ne ryanelsaa de yra de ne nak de men ne rlaleedx Jesucrist.

1 TESALONICENSES 5:1

Per le zegnak dxe, zegnak or ne gak neree, tsuudet de lyaazo.

HECHOS 4:32

Yrandxee mén ne rlaleedx Jesucrist, tese wak men, tebegue ne wlebleedx men; ni te men redet ne noze xen men nak yra ne rap men, sinke xen meno yra men.

1 JUAN 2:10

Le mén ne ryaan semén, zanal men xnëz Dëdyuzh, no che betre gundet gan ylaa ne gyab men lo dol.

2 PEDRO 1:7

chene che rlaa de ne rlaan Dëdyuzh, gugakwen lo yra xkompanyer de; chene che wakwen de lo xkompanyer de, gugyanelsaa.

1 PEDRO 4:8

Per ne mazre rap de degne ylaa de nak ne kesentyent gyanelsaa de, porke gyeleryaan nak ne rlaa ne run mén perdon semén men mase noze ndal ne rlaa semén men men.

1 PEDRO 3:8

Por neguin na noo: tebegue ne gulebleedx yra de, gugap lextoo de xkompanyer de, gugyanelsaa zegnak mén ne ryaan bech, gules lextoo de men, tsugyadet lextoo de.

HEBREOS 10:16

Re Dëdyuzh: Chene tesuse yra dxeree, zeree gyan noo diiz ne ylaa noo por laa men: Guu noo xley noo lenlextoo men no guu noo we lenxtoo men.

JUAN 14:26

per laa Espíritu Sant ne yxaal Xuz noo por la noo guu lextoo de no yneluu yrandxee kos lo de, no laa Ne ylaa ne ykanzaleedx de yrandxee ne wzëët noo lo de.

MATEO 22:39

Le ne wrup nak ko zegnak ne primer, re we: “Gugyaan semén de zegne ryaan ke de de.”

2 CORINTIOS 9:1

Ni rkyiindetre ne ykaar noo gyiich yxaal noo lo de por xkwent goon ne gun xyudar yra xpén Jesucrist,

FILIPENSES 3:15

Yrandxee be ne che nanwen be xdiiz Dëdyuzh rap be degne zeree tsuu lextoo be; per belne nuu de wrengue nuu lextoo, Dëdyuzh ylaa ne gyenen do.