1 TESALONICENSES 4:16 - Zapotec Santa María Quiegolani

¹⁶ Porke chene yruu Jesucrist gyeybaa ne chiid Ne ste, zaknyoo ylen xrëz Ne, zaknyoo ylen xrëz angel ne kesentyent rap poder, no zaknyoo kwëz xtrompet Dëdyuzh, lex yban yra mén ne che wet ne wlaleedx Jesucrist chene benak mbán men.

1 TESALONICENSES 4:16 ပူးပေါင်းရင်းမြစ်များ

APOCALIPSIS 1:7

Gukwii gante, schiid Ne lad bëw; yrandxee mén kwii Ne, axtegue mén ne wbib lans led Ne kwii Ne, no yrandxee mén ne nuu ydendxee gyëzlyu baanske goon men chene kwii men Ne. Nli we, zenga gako.

1 CORINTIOS 15:23

Per xnëz xnëz rako te tebo: Jesucrist nak ne wban primerendxee, zhich guin yban yrandxee men ne nak xpén Ne chene chiid Ne ste.

MATEO 16:27

Porke schiid Men ne wdxiid wak Mén ydebxgyelenzoon Dëdyuzh Xuz men no yra men xangel Dëdyuzh Xuz men chen ydee men ne ryal te te mén segun ne wlaa men te te men.

MATEO 25:31

’Chene chiid Men ne wdxiid wak Mén ydebxpoder men no le yra men xangel men, sob men lo xyagzhilnzoon men.

2 TESALONICENSES 1:7

Le lo de yra de ne kayak de sufrir naaree, yniiz Ne gyelegwne zegne yniiz ke No lo noo yra noo chene yruu Jesucrist gyeybaa ydebxebtsa Ne ne nak zegnak bël, ne chiid Ne yra xangel Ne ne kesentyent rap poder,

2 TESALONICENSES 2:1

Le zegnak ne chiid Jesucrist no ne ytsëlolsaa be Ne, rnab noo lo de yra de

HECHOS 1:11

re yrup mgyeey guin lo men: ―Men-Galilea, ¿penak kawiitegue de gyeybaa? Jesus ke ne wii de sya gyeybaa, laake Ne yberee ste; zegne wii ke de ne sya Ne, zenga ke yberee Ne.

2 PEDRO 3:10

Chene ydxiin dxe ne chiid Jesucrist, gako zegnak chene rdxiin te ngbaan gyëël chen kwan men. Kesentyent ndxeeb gak te rwid ne luzh gyeybaa chene tseekyo yra we ne nuu lo we; zenga ke tseeky gyëzlyu yra we ne nuu lo we.

APOCALIPSIS 8:13

Orguin wii noo kazhobee zegnak te msii gwrooltee gyeybaa no won noo ndípse re maa: ―¡Prob yra mén ne nuu gyëzlyu, prob men, probendxee men chene kwëz stson angel ne che nuu ne kwëz trompet ne rak falt kwëz!

MATEO 26:64

Lex re Jesus: ―Zegwa we zeg na de, yna noo lo de yra de, ne swii de zob Men ne wdxiid wak Mén koo Dëdyuzhnzoon ladbëë no swii de zëëd men lad bëw gyeybaa.

APOCALIPSIS 14:13

Zhich guin won noo wlen te rëz gyeybaa, na we lo noo: ―Gukagyiich yra diizree ne yzëët noo: “Desde nedxeree, nzoon yra mén ne ret ne che rlaleedx men Jesucrist.” Nli we, re Espíritu Sant, sne men ylaadetre men dxiin, porke yra ne wen ne wlaa men, laa we nak ne rgunzoon lextoo men.

JUDAS 1:9

Per ni angel-Miguel ne kesentyent rap poder, chene wdildiiz ne yrup ne Bzelo por xkwerp Moises, axtegue wyezhdet ne nnii ne diznyaan lo Bzelo, nunegue ne re ne: “¡Ledxnya Dëdyuzh ysan noo de!”

APOCALIPSIS 1:10

Te dxetmiink kesentyent waknonen Espíritu Sant noo, won noo wlen te rëz ne kesentyent fwert nes zhich noo zegnak chene rbëz trompet,

MATEO 16:28

Nligue yna noo lo de yra de, ne nuu de zegne ndxin de nee guetetgue sin ne kwiidet de zëëd Men ne wdxiid wak Mén chen ynebééy men.

1 CORINTIOS 15:18

no cheguin si no ke men ne che wet ne wlaleedx Ne chene benak mbán men nyak perdid.

1 CORINTIOS 15:20

Per nli ne wban Jesucrist; laa Ne nak ne primerendxee wban ke lo yrandxee mengut.

1 TESALONICENSES 1:10

no chen ykambë́z de Jesucrist XPee Dëdyuzh yruu Ne gyeybaa chiid Ne gyëzlyu ste. Dëdyuzh wneban Ne; laa Ne nak ne yselaa be lo kastig ne zëëd.

1 TESALONICENSES 3:11

Naleg Dëdyuzh Xuz be yrup Ne Jesucrist gun Ne xyudar noo yra noo chen gun noo gan chiid noo wii lo de yra de.

APOCALIPSIS 8:2

Orguin wii noo yra guedx angel ne zuli nes lo Dëdyuzh; wkakwent ne tegue trompet.