1 TESALONICENSES 2:14 - Zapotec Santa María Quiegolani

¹⁴ Laa de yra de wzak zegne wzak yra men-Israel ne rlaleedx Jesucrist. Wzakzi menlaz de de zegne wzakzi ke men-Israel yra mén guin ne nak menlaz men.

1 TESALONICENSES 2:14 ပူးပေါင်းရင်းမြစ်များ

1 TESALONICENSES 3:4

porke chene wkaa noo lo de, che wzëët noo ne rap be degne gak be sufrir, no nan de ne zenga kayak be sufrir.

2 TESALONICENSES 1:4

Kesentyent nzoon nuu lextoo noo yra noo ruu noo xdiiz de lo yra xkompanyer be, rzëët noo lo men gan pezee rlaleedx de Jesucrist no gan pezee rap de pasens mase logne rlaatee mén de no mase rak de sufrir.

GÁLATAS 1:22

Per yra men-Judea ne rlaleedx Jesucrist, gardet ynebeey men noo cheguin,

1 TESALONICENSES 1:6

Laa de yra de rlaa de zegne rlaa noo no zegne rlaa Jesucrist, no por Espíritu Sant wzhiilen de wlaleedx de diiz ne wzëët noo lo de, mase por laa we kesentyent wak de sufrir.

2 TESALONICENSES 1:1

Noo nak Pabel, yra noo Silban no le Timotew kakaa gyiichree yxaal noo lo de yra de ne nak de men-Tesalónica no ne no de rlaleedx Jesucrist no ne nak de xpén Dëdyuzh Xuz be yrup Ne Jesucrist.

1 TESALONICENSES 1:1

Noo nak Pabel, yra noo Silban no le Timotew kakaa gyiichree yxaal noo lo de yra de ne nak de men-Tesalónica no ne no de rlaleedx Jesucrist no ne nak de xpén Dëdyuzh Xuz be yrup Ne Jesucrist. Yrup Ne gaknonen de yra de no yseleedx Ne gyelendxi lo de.

1 CORINTIOS 7:17

Rap de degne ybán de zegne wseleedx Jesucrist lo de te te de, rap de degne gyan de zegnak de chene wye Dëdyuzh de; zeree nak ne rkyeen noo yrandxee men ne rlaleedx Jesucrist.

HECHOS 17:13

Per chene waknan yra men-Israel ne nuu Tesalónica ne le Pabel kazëët xdiiz Dëdyuzh no Berea, wa men nga, wsegyee men lextoo yra mén guin chen kwinyaan men Pabel.

HECHOS 11:19

Yra men ne noze wrëëts por ne winyaan mén men tyemp ne wket mén Xteb, wdxiin men axtegue lo lyu ne la Fenicia no le lo lyu ne la Chipre no le Antioquía, wzëët men xdiznzoon Jesucrist nonchee lo men-Israel, rutre lo wzëëdet meno.

HECHOS 9:31

Axtegue cheguin le yra mén ne rlaleedx Jesucrist wbinxnëz, men-Judea no le men-Galilea no le men-Samaria. No mazre mazre zadee men kwent xdiiz Dëdyuzh, no rlaa men ne rlaan Ne, no por ne raknonen Espíritu Sant men, le men zadaalre.

HECHOS 9:13

Wke Ananías, re Ananías: ―Dëde, ndalyaa mén che na lo noo yra ne rlaa mén gwa no yra ne mal ne rlaa men men-Jerusalén ne rlaleedx de.

HECHOS 9:1

Rsalzaandet Saulo ne rneche Saulo yra mén ne rlaleedx Jesucrist, nan Saulo lo men ne yket Saulo men. Por neguin wa Saulo lo fxuz ne mazre nondee,

HECHOS 8:1

No Saulo wyan byen ne yket men Xteb. Dxe ke guin wzelo mén winyaan men yra men-Jerusalén ne rlaleedx Jesucrist, wkanal men men. Por neguin noze wrëëts men ydendxee lo lyu ne la Judea no le lyu ne la Samaria, nonchee yra poxter wyan Jerusalén.

HECHOS 8:3

Le Saulo wzelo wkanal yra mén ne rlaleedx Jesucrist; wdee Saulo yuu por yuu, wgobzengye Saulo mgyeey wnaatee, wasee Saulo men chegyiib.

HECHOS 13:50

Per wsegyee men-Israel lextoo tebëd wnaa ne non no ne syemper ra lenydoo no wsegyee ke men lextoo yra mgyeey ne non gyëz guin. Lex wzelo yra mén guin winyaan men Pabel yrup Pabel Bernabe, axtegue ne wnexoon men Pabel yrup Pabel Bernabe nes guin.

HECHOS 14:2

Per le yra men-Israel ne wlaleedxdeto, wsegyee men lextoo yra mén ne nakdet men-Israel, chen kwinyaan men men ne rlaleedx Jesucrist.

HECHOS 14:4

Per wakgwrool yra mengyëz guin, gwrool men wruu xfabor men-Israel, gwrolzeg men wruu xfabor Pabel yrup Pabel Bernabe.

HECHOS 14:5

Lex wyan men-Israel diiz yra men mén ne nakdet men-Israel no le yra men xtis ne yzakzi men Pabel yrup Pabel Bernabe, gugye men men.

HECHOS 14:19

Per chene le tebëd men-Israel ne nuu Antioquía wdxiin Listra yra men stebëd mén ne nuu Iconio, wsegyee men lextoo yra mén guin. Lex wgugye men Pabel; nuu lextoo men che wket men Pabel, wgobzengye men Pabel watix men Pabel rulgyëz.

HECHOS 18:12

Per chene wak Galión gobernador Acaya, wdop men-Israel, waken men yra men wnëëz men Pabel, lex wano men Pabel lenyuloow,

1 CORINTIOS 10:32

Ylaadet de ne ye mén dol: ni men-Israel, ni men ne nakdet men-Israel, ni men ne rlaleedx Jesucrist.