1 PEDRO 4:19 - Zapotec Santa María Quiegolani

¹⁹ Por neguin yra mén ne rak sufrir zegne rlaan Dëdyuzh, rap men degne koleedx men xanem men ledxnya Dëdyuzh no ylar men ne wen, porke laa Ne wlaa ne wuu men; laa Ne si run Ne kumplir xdiiz Ne.

1 PEDRO 4:19 ပူးပေါင်းရင်းမြစ်များ

2 TIMOTEO 1:12

Por neguin nak ne kayak noo sufrir, per bet rtuunden noo, porke che nan noo gan txu lo rkalo noo no nanwen noo ne rap Ne poder ne gapkwent Ne ne wsan noo ledxnii ledxnyatee Ne axtegue ne ydxiin dxe.

1 PEDRO 3:17

Mazre wendee ne rak de sufrir por ne rlaa de ne wen belne zenga rlaan Dëdyuzh, lugar ne rak de sufrir por ne rlaa de ne mal.

1 PEDRO 2:15

Porke logne rlaan Dëdyuzh nak ne ylaa de ne wen, chen ysoow de ruu yra menzël ne bet nandet.

ROMANOS 2:7

Lo yra men ne rye gyelembán ne nunk luzhdet no ne rye gyelenzoon no le gyelnon no ne rsalzaandet ne rlaa ne wen, ydee Ne gyelembán ne nunk luzhdet.

HECHOS 7:59

Or ne le men kagugye Xteb, wnab Xteb lo Jesucrist, re Xteb: ―Jesucrist, gukakwent xespíritu noo.

LUCAS 23:46

Orguin wkarëz Jesus, re Ne: ―Dëde, ledxnya de guu xespíritu noo. Nonchee wluzh re Ne zenga, wetgue Ne.

1 PEDRO 3:20

Laa yra espíritu guin nak xespíritu yra mén ne wondet diiz tyemp ne wuu Noé; ydeblo ne wzhexkwaa Noé bark wap Dëdyuzh yra mén guin pasens. Per chene le nis wyezaa gyëzlyu, xunegue mén wláá lo nis.