1 CORINTIOS 9:14 - Zapotec Santa María Quiegolani

¹⁴ Zenga ke wkyeen Jesucrist ne yra men ne rzëët xdiznzoon Ne, nga ke gun men gan ne gu men.

1 CORINTIOS 9:14 ပူးပေါင်းရင်းမြစ်များ

MATEO 10:10

ni gweeydet de bols por nëz, ni ste xab de, ni xgyël de, ni baston. Porke mén ne rlaa dxiin ryal ne ydee mén ne gu men.

GÁLATAS 6:6

Men ne rseed xdiznzoon Jesucrist, rap men degne ydee men tebëd logne rapendxee men lo men ne rneluu xdiznzoon Jesucrist lo men.

1 CORINTIOS 9:4

Noo ryal noo ne yniiz de ne gu ne gootee noo.

LUCAS 10:7

Nga ruyuu guin ykaa de, logne yniiztee men gu do, goo do, porke mén ne rlaa dxiin rap degne guezh yka men, no ykaadet de yuu por yuu.

LUCAS 10:8

Chene ydxiin de te gyëz ne tsukas mén de, gu de logne yniiztee men;

HECHOS 18:3

Kom dxiin ne rlaa men nak ne rzhexkwaa men carpa, dxiin ke guin rlaa Pabel, por neguin wkaa Pabel lo men, wkalaa Pabel dxiin yra Pabel men.

1 CORINTIOS 4:15

Mase gap de zeg chiimil mén ne yzëët xdiiz Jesucrist lo de, per yëten de ndal xuz de. Por ne wzëët noo xdiznzoon Jesucrist lo de, noo nak zegnak xuz de.

1 CORINTIOS 9:11

Orrenaa ne che wneluu noo xdiiz Dëdyuzh lo de, ¿peguin ryaldet noo ne yniiz de ne ykyiinen noo?

1 CORINTIOS 9:12

Belne rdee de ne rkyiinen ste mén, mazre ntozdee ryal noo ne yniiz de ne ykyiinen noo. Per noo nunk wnabdet noo lo de ne laa de nniiz ne nkyiinen noo, sinke lel ryan noo byen run noo wantar yrandxee kos, chen bet gakdet mén gyii chene rzëët noo xdiznzoon Jesucrist lo men.

1 CORINTIOS 9:16

Yët neguin ne tsugya lextoo noo ne rzëët noo xdiznzoon Jesucrist, porke rap noo degne yzëët noo we. ¡Probendxee noo nga belne yzëëdet noo we!

2 CORINTIOS 2:12

Chene wdxiin noo gyëz-Troas ne yzëët noo xdiznzoon Jesucrist, laa Ne waknonen noo ne noze mbaale wak wzëët noo we.

1 TESALONICENSES 1:5

Porke chene wzëët noo xdiznzoon Jesucrist lo de yra de, nakdeto noze diiz, sinke kon xpoder Espíritu Sant wzëët noo we no nanwen noo ne nli we. No nanwen de pezee wak noo lad de, por ne ryaan noo de.