1 CORINTIOS 7:33 - Zapotec Santa María Quiegolani

³³ per le mgyeey ne che wtsëlnya, kesentyent za yra ne nuu gyëzlyu lextoo men chen ynesak men lextoo xewnaa men,

1 CORINTIOS 7:33 ပူးပေါင်းရင်းမြစ်များ

1 PEDRO 3:7

Zenga ke laa de yra de ne nak de mgyeey ne che wtsëlnya, xnëz gugak lo xewnaa de; gusaknon men, let nozdet por ne nda men ne nak men wnaa, sinke por ne no ke men rap gyelembán ne nunk luzhdet ne rseleedx Dëdyuzh lo de por xgyelwen Ne. Zenga gulaa, chen tsukas Dëdyuzh xdiiz de chene rnab de lo Ne.

COLOSENSES 3:19

Yra de ne nak de mgyeey ne che wtsëlnya, gugyaan xewnaa de, yzakzidet de men.

1 TIMOTEO 5:8

Porke mén ne bet zadet lextoo por xparyent men ni por xfamilye men, wboleedx men ne rlaleedx men Jesucrist no mazre ntozdee nak men ke lo men ne rlaleedxdet Jesucrist.

1 CORINTIOS 7:3

Nigle mgyeey, nigle wnaa, rap men degne gun men kumplir zegne nak men lzaa men.

LUCAS 12:22

Zhich guin re Jesus lo xpén Ne: ―Por neguin yna noo lo de: Bet tsadet lextoo de ne gan pe gu de chen ybán de, ni por lër ne gak de.

LUCAS 14:20

Le ste men re: “Gyed wtsëlnyandxee noo; gundet noo gan tsa noo.”

JUAN 10:13

Rzhoon men porke noze por ne rdeben men med rapkwent men maa, zadet ma lextoo men.

1 CORINTIOS 7:32

Noo zoon noo pezee yselaa noo de lo yra ne za zeebtee lextoo de. Mgyeey ne axtegue wtsëlnyadet, kesentyent za xdxiin Dëdyuzh lextoo men chen ynesak men lextoo Ne;

1 CORINTIOS 7:34

zadet lextoo men tebegue kos. Zenga ke wnaa ne axtegue wtsëlnyadet no le nzaap ne gardet tsuno mgyeey, kesentyent za xdxiin Dëdyuzh lextoo men por ne nak men xpén Dëdyuzh ydebxkwerp men, ydebxespíritu men; per le wnaa ne che wtsëlnya, kesentyent za yra ne nuu gyëzlyu lextoo men chen ynesak men lextoo xemgyeey men.