1 CORINTIOS 15:45 - Zapotec Santa María Quiegolani

⁴⁵ Lo xgyiich Dëdyuzh re: “Mén ne primer wap gyelembán nak Adán”; per le Jesucrist espíritu ne rseleedx gyelembán lo mén nak Ne.

1 CORINTIOS 15:45 ပူးပေါင်းရင်းမြစ်များ

JUAN 5:21

Porke zegne rdee Dëdyuzh gyelembán lo mengut, zenga ke XPee Ne, rdee me gyelembán lo mén ne rlaan me ne ydee me we.

ROMANOS 8:2

Por ne rlaleedx be Jesucrist, wláá be lo dol no le lo gyelgut por xpoder Espíritu Sant ne rseleedx gyelembán.

JUAN 6:63

Laa Espíritu Sant rseleedx gyelembán lo mén; belne yëtet Espíritu Sant, bat ykyiindet noze mén. Yra diiz ne wzëët noo lo de yra de, espíritu nako no le gyelembán.

JUAN 14:6

Wke Ne re Ne: ―Noo nak nëz guin no noo nak diznli no le gyelembán. Nonchee por noo gak ydxiin mén lo Dëdyuzh Xuz noo.

JUAN 6:57

Laa Xuz noo wxaal noo, mbán me, no zegne mbán noo por laa me, zenga ke men ne gu led noo, por noo gap men gyelembán ne nunk luzhdet.

JUAN 6:33

Porke gyëtxtil ne rdee Dëdyuzh, laa we nga nak ne wruu gyeybaa, rguu we gyelembán lextoo mengyëzlyu.

JUAN 6:54

Per le men ne gu led noo no ne goo xren noo, zap men gyelembán ne nunk luzhdet; noo yneban men chene che lultim dxe.

APOCALIPSIS 22:17

Re Espíritu Sant no le nzaap ne gak xewnaa Men ne nak zegnak mëkzhiil bëën bëënleg: ―Gutaa. Yra mén ne gon neree, gue men: ―Gutaa. No yrandxee mén ne rlaan nis no ne rlaan goo we, chiid men goo men nis ne rguu gyelembán noze xla, bet gaknondeto.

APOCALIPSIS 22:1

Wluzh nga wluu angel te gyoow ne nuu nis ne kesentyent nya lo noo, nis guin nak ne rguu gyelembán; axtegue rnabider ne ndebnii we; ledne zu xyagzhil Dëdyuzh ne zob Ne rnebééy Ne yrup Ne Men ne nak zegnak mëkzhiil bëën bëënleg, nga rlen nis guin.

APOCALIPSIS 21:6

Zhich guin na Ne: ―Le we yra we che wak. Noo nak zegnak leter A ne rzelo yrandxee leter, noo ke nak zegnak leter Z ne ryal yrandxee leter; noo nak ne wzhexkwaa yrandxee ne nuu, noo ke nak ne yluzho. Mén ne rlaan nis, noo ydee nisbzin ne rguu gyelembán goo men noze xla, bet gobdet noo.

COLOSENSES 3:4

Jesucrist ke nak xgyelembán de; chene chiid Ne ste, yrandxee mén gyenen ne no ke de gaknzoon.

FILIPENSES 3:21

Laa Ne nak ne ytsaa xkwerp be ne luzh, chen gako zegnak xkwerpnzoon Ne; kon poder ke ne rap Ne ne rnebééy Ne yrandxee kos, kon poder ke guin ylaa No.

ROMANOS 5:21

Zegne rlaa dol ne por dol rap degne ret yrandxee mén, zenga ke por xgyelwen Dëdyuzh wun Ne mén perdon chen gap men gyelembán ne nunk luzhdet por Jesucrist.

ROMANOS 5:17

Porke por xdol tebegue mén nak ne rap degne ret yrandxee mén, per mazre ntozdee nzoon ne rseleedx Dëdyuzh por xgyelwen Dëdyuzh lo yra men ne wun Dëdyuzh perdon xdol; chene gap yra men guin gyelembán ne nunk luzhdet, laa men ynebééy, tebegue mén ylaa ne ynebééy men; laa men ne ylaa ne ynebééy men nga nak Jesucrist.

HECHOS 3:15

Zenga wlaa de wket de Jesus ne rseleedx gyelembán lo mén, per wneban Dëdyuzh Ne. Noo yra noo nak ne wii ne nli wban Ne.

JUAN 14:19

Wyob kwiidetre men ne nak noze mengyëzlyu noo, per laa de swii de noo no zap de gyelembán ne rap noo porke noo mbán noo.

JUAN 10:28

Noo rdee gyelembán ne nunk luzhdet lo men, no ydxiindet dxe ne luzh men, ni rut gundet gan ygyitxee men lo noo.

JUAN 10:10

’Ngbaan, noze por ne kwan men zëëd men no por ne yket men no por ne yluzh men. Per le noo zëëd noo por ne gap de gyelembán ne nunk luzhdet.

JUAN 6:68

Wke Simon-Bëd, re Simon-Bëd: ―Dechey, ¿txu lo nak ne tsa noo? Si nonchee xdiiz de nak ne rseleedx gyelembán ne nunk luzhdet.

JUAN 4:14

per le mén ne goo nis ne ydee noo, ybereedetre ylaan men nis. Porke nis ne ydee noo, ydaa we lextoo men zegne rdaa we rubzin, laa we ydee gyelembán ne nunk luzhdet lo men.

JUAN 4:10

Wke Jesus, re Ne: ―Belne gaknan de gan kox rseleedx Dëdyuzh no gaknan de gan txu nak noo, snab de nis ne goo de lo noo, noo yniiz nis ne rguu gyelembán goo de.

JUAN 1:4

Laa Ne rap gyelembán; gyelembán guin nak bnii por yrandxee mén.

APOCALIPSIS 16:3

Lex wlaat angel ne wrup angel xbas ne lo nisdoo, ybidxendxee nisdoo wak ren zegnak xren mengut, yrandxee maa ne nuu lo nisdoo wet.

1 CORINTIOS 15:46

Let primerdet kwerp ne gap be gyeybaa nak ne wuu, sinke primer kwerp ne rap be nee gyëzlyuree wuu; zhich guin tsuu kwerp ne gap be gyeybaa.

HEBREOS 9:14

¡peleske xren Jesucrist ne ygyitxeedet xdol be! Por Espíritu Sant wdekwent Jesucrist laake Jesucrist, wet Jesucrist chen guezh xdol be mase bet dol wlaadet Ne; xren Ne wlaxnëz xgyeryen be chen ylaadetre be ne bat rkyiindet, chen gun be gan ylaa be xdxiin Dëdyuzhmbán.