1 CORINTIOS 13:3 - Zapotec Santa María Quiegolani

³ No belne rgyiiz noo yrandxee ne rap noo lo yra menprob no belne rboleedx noo xkwerp noo por ne tseekyo, per ryaandet noo semén noo, bat ykyiindet neguin ne rlaa noo.

1 CORINTIOS 13:3 ပူးပေါင်းရင်းမြစ်များ

JUAN 15:13

Gyeleryaan ne mazre nzhoodee nak ne koleedx xgyelembán mén por xmig mén.

MATEO 23:5

Yrandxee ne rlaa men, rlaa meno noze por ne kwii mén ne rlaa men. Rtseleedx men yliib men tebla gyed ne ka xdiiz Dëdyuzh xudx men no le zhuuk men no rtseleedx men gak men lër ne kesentyent ngool luzh.

GÁLATAS 5:26

Tsugyadet lextoo be, ni yzobnadildet be xkompanyer be, ni gakmbidyedet be por xkompanyer be.

LUCAS 18:28

Lex re Bëd lo Ne: ―Noo yra noo, wsan noo yrandxee ne rap noo, zëdnal noo de.

HEBREOS 13:9

Ydeedet de si ne ykade mén de ne yneluu men de ne wrenlel ne nakdet xdiiz Jesucrist; mazre wendee gaknonen Dëdyuzh me chen tebli tsuu lextoo me tsanal me xdiiz Ne ke ne tsanal me xkoxtumber mén ne gan kox gak gu me o gan kox gakdet gu me, porke bat rkyiindet koxtumber guin por men ne rlaa zenga.

1 TIMOTEO 4:8

Porke ne rlaa me ejersisye, zhi rkyiino por xkwerp me, per le ne rye me ne ylaa me ne rlaan Dëdyuzh, neguin nak ne mazre rkyiin no let nozdet naaree ne mbán be nee gyëzlyuree rkyiino, sinke skyiin ko chene gap be gyelembán ne nunk luzhdet.

JUAN 12:43

Porke mazre wtseleedx men ne saknon mén men ke ne saknon Dëdyuzh men.

LUCAS 18:22

Chene won Ne ne re men zenga, re Ne lo men: ―Benak rak falt ylaa de ste kos: gutoo yrandxee ne rap de, lex gudee med lo menprob, chen gap de ne non ne nuu gyeybaa; lex chiid de chidnal de noo.

HECHOS 21:13

Wke Pabel, na Pabel: ―¿Penak roon de yra de, rgunles de lextoo noo? Por noo nyaalzhe yliib mén noo no let nozdet yliib men noo, sinke nyaalzhe axtegue yket men noo Jerusalén por ne rzëët noo xdiiz Jesucrist.

JUAN 13:37

Orguin re Simon-Bëd: ―Dechey, ¿penak gakdetgue chidnal noo de orree? Noo rboleedx noo xgyelembán noo nyaalzhe guet noo por laa de.

JUAN 6:63

Laa Espíritu Sant rseleedx gyelembán lo mén; belne yëtet Espíritu Sant, bat ykyiindet noze mén. Yra diiz ne wzëët noo lo de yra de, espíritu nako no le gyelembán.

LUCAS 19:8

Lex wzuli Zaqueo, re men lo Ne: ―Gukwii gante Dechey, ydee noo gwrool ne rap noo lo menprob, no belne nuu pe wkade noo mén chen wak wbaan noo men, ycheree noo tap lal ne wbaan noo lo men.

FILIPENSES 2:3

Yrandxee ne rlaa de, ylaadet do por gyelengyizh, ni ylaadet do noze por ne gyeep xeblaan de, sinke gulaa we zegnak men ne ni nondet, no rap de degne sak de xkompanyer de zegnak men ne nondee ke lo de.