Romanos 2:3 - Zapotec Choapan

³ Leꞌe rnale rue laguedyile tamala, naꞌ lëbizi ziole ruele tamala, ¿raquele bihue Diuzi leꞌe castigo?

Romanos 2:3 ပူးပေါင်းရင်းမြစ်များ

San Mateo 23:33

’¡Leꞌe ruele ca rue bëla rguiꞌidyiꞌ laga cabëꞌ bë xuzixtaꞌole! ¿Biz̃i ca huele ta bihue Diuzi leꞌe castigo tziole guiꞌ gabila?

San Mateo 26:53

¿Binezoꞌ ca huelëcazi Xuzaꞌ nëꞌëdiꞌ? Chanꞌ inabaꞌ xuzaꞌ, iseꞌelëꞌ mazla tzona galo chi mila ja ángel ta gacalëjëꞌ nëꞌëdiꞌ.

San Lucas 12:14

Naꞌra una Jesús rëbinëꞌ lëbëꞌ: ―Rniaꞌ luëꞌ, binacan dyin quiaꞌ para huaꞌa laze quiele quie ta de quie xuzile.

San Lucas 22:58

Bëꞌ guca itu chiꞌ, blëꞌë benꞌ tula Pedro ganꞌ reꞌnëꞌ. Naꞌ una benꞌ naꞌ rëbinëꞌ lëbëꞌ: ―Lëzi luëꞌ nacaraoꞌ benꞌ quieyaquëꞌ. Pero naꞌ una Pedro rëbinëꞌ lëbëꞌ: ―Binacaꞌ benꞌ quieyaquëꞌ. Binubëꞌdaꞌ benꞌ naꞌ.

San Lucas 22:60

Naꞌra una Pedro rëbinëꞌ benꞌ una canaꞌ: ―Binezdaꞌ quie benꞌ rnaoꞌ, binubëꞌdaꞌ benꞌ naꞌ. Lëcanaꞌ, caora nernë Pedro canaꞌ, naꞌ uredyi biu.

Romanos 1:32

Baꞌalaꞌcazi nezijëꞌ cabëꞌ nachuguli Diuzi quiejëꞌ huejëꞌ castigo quiejëꞌ tziojëꞌ lao guiꞌ gabila, nenaojëꞌ neruejëꞌ pensari mala quiejëꞌ, redaohuejëꞌ reꞌenjëꞌ hue yaca benꞌ tula cabëꞌ ruejëꞌ.

Romanos 2:1

Quie lenaꞌ bide bihuele ta huele defender cuinle lao Diuzi, nutiꞌtezi nacale, chi rnale rue laguedyile tamala, naꞌ leꞌe tu lëbizi ziole ruele cabëꞌ tamala rnale rue laguedyile. Conlë diꞌidzaꞌ rero luꞌu ruꞌale ruluꞌen lëscanꞌ leꞌe nacale benꞌ mala.

Romanos 2:2

Neziro ta naca tali rchuguli Diuzi huenëꞌ castigo nu benꞌ rue tamala.

Romanos 9:20

Pero rnabaꞌ leꞌe, ¿nuz̃i nacaro tzuꞌuro huedila huenë lëro Diuzi? Rniaꞌ leꞌe, binapa tu yesoꞌ derecho inën yëbin benꞌ rue len: “¿Biquienꞌ bzaloloꞌ nëꞌëdiꞌ cani?”

1 Tesalonicenses 5:3

Pues caora naꞌ ina yaca benëꞌ cani: “Nitaꞌro dyaꞌa naꞌ, bibi gaca quiero”, pues caora naꞌ tu sasazi cuiaguiꞌyaquëꞌ. Gabi cule quieyaquëꞌ de ta bicuiaguiꞌyaquëꞌ caora yeguida Jesús. Laga canaꞌ gaca quieyaquëꞌ ca quie nigula rla abdyin hora su xcuidiꞌ quie, gabi cule de quienëꞌ ta biilanëꞌ.

Hebreos 12:25

Quie lenaꞌ reyaꞌalaꞌ gapale cuidado bichuꞌunle tzalaꞌla ca na Diuzi, benꞌ ruꞌelë leꞌe diꞌidzaꞌ. Pues biula yaca benꞌ unitaꞌ tiempote, benꞌ uruꞌun tzalaꞌla ca una Diuzi dza cati beyëzinëꞌ lao yedyi layu bëꞌlënëꞌ lëjëꞌ diꞌidzaꞌ. Lëscanꞌ raꞌo, biilaro hue Diuzi raꞌo castigo chi chuꞌunro tzalaꞌla ca rnanëꞌ ruꞌelënëꞌ raꞌo diꞌidzaꞌ desde guibá.

Hebreos 2:3

¿Biz̃i huero ta bihue Diuzi raꞌo castigo chi caora cati bënnëꞌ raꞌo yelaꞌ neban tuzioli, naꞌra bihue quiero diꞌidzaꞌ quienëꞌ? Pues tanëro udixogueꞌ cuin Jesús cabëꞌ rue Diuzi uselanëꞌ benëꞌ yeyojëꞌ guibá. Naꞌtera quie benꞌ bzënaga cabëꞌ udixogueꞌnëꞌ, gucabëꞌyaquëꞌ nacan tali, naꞌtera lëjëꞌ udixogueꞌjëꞌ raꞌo.