San Marcos 3:19 - Zapotec Choapan

¹⁹ Lëscanꞌ ulionëꞌ Judas Iscariote, benꞌ psedyin Jesús lao naꞌa yaca benꞌ rnabëꞌ. Beyudyi ulio Jesús chipchopa benꞌ quienëꞌ, ziolënëꞌ leyaquëꞌ bdyinyaquëꞌ z̃an yuꞌu.

San Marcos 3:19 ပူးပေါင်းရင်းမြစ်များ

San Mateo 10:4

len Simón, benꞌ partido cananista, len Judas Iscariote, benꞌ psedyin Jesús lao naꞌa benꞌ rnabëꞌ, benꞌ bëti lënëꞌ.

San Mateo 26:47

Naꞌ nezë Jesús ruꞌenëꞌ diꞌidzaꞌ cati bdyin Judas, benꞌ naca benꞌ quienëꞌ lao chipchopajëꞌ. Bdyinlënëꞌ ja benꞌ zë nuꞌajëꞌ macheta, nuꞌajëꞌ yaga. Bdyinjëꞌ useꞌelaꞌ ja xanꞌ pxuzi len ja benꞌ rnabëꞌ lëjëꞌ.

San Marcos 3:18

Lëscanꞌ ulionëꞌ tu benꞌ lao Andrés, len tu benꞌ lao Felipe, len tu benꞌ lao Bartolomé, len tu benꞌ lao Mateo, len tu benꞌ lao Tomás, len itu benꞌ lao Santiago, z̃iꞌi Alfeo, len tu benꞌ lao Tadeo, len itu benꞌ lao Simón, benꞌ naca partido cananeo.

San Marcos 3:20

Naꞌ tantozi bedupa benꞌ zë tatula ga zënëꞌ, bibëꞌn lato ni siquiera ta gaoyaquëꞌ.

San Marcos 9:33

Biz̃i bdyin Jesús lënëꞌ yaca benꞌ quiëꞌ ciudad Capernaum tatula, beyuꞌuyaquëꞌ luꞌu yuꞌu ganꞌ uzaꞌyaquëꞌ. Naꞌ una Jesús rëbinëꞌ yaca benꞌ quiëꞌ: ―¿Biz̃i diꞌidzaꞌ ruꞌelële laguedyile danꞌ zezaꞌle huenë cati zezaꞌro tu neza?

San Juan 13:2

Biz̃i Judas Iscariote, z̃iꞌi Simón, uyuꞌunëꞌ pensari quie xanꞌ taxiꞌibiꞌ ta reguilolaꞌadyiꞌnëꞌ ca huenëꞌ usedyinnëꞌ Jesús lao naꞌa yaca benꞌ guti lëbëꞌ. Biz̃i Jesús dyëꞌëdi nezinëꞌ uzaꞌnëꞌ guibá ga zu Diuzi hueyoguëꞌ ga zu Xuzinëꞌ tatula. Nezirënëꞌ pcaꞌn Xuzinëꞌ duz̃e yelaꞌ rnabëꞌ quienëꞌ lao naꞌanëꞌ. Naꞌ biz̃i caora uyuꞌuyaquëꞌ huao rtzeꞌ, uzulinëꞌ ruꞌa mesa ga reꞌnëꞌ, udubëꞌ z̃abëꞌ de laohue, uz̃iꞌnëꞌ tu toalla pquionëꞌn lëꞌë siꞌnëꞌ.

San Juan 6:64

Pero nenitaꞌ bala leꞌe biralele quiaꞌ. Canaꞌ una Jesús rëbinëꞌ leyaquëꞌ, danꞌ nezinëꞌ desde caora naꞌte nu benꞌ gale quienëꞌ, nu benꞌ bigale quienëꞌ. Lëzi nezinëꞌ nu benꞌ usedyin lëbëꞌ lao naꞌa yaca benꞌ guti lëbëꞌ.

San Juan 6:71

Ca una Jesús canaꞌ, unëꞌ quie Judas Iscariote, z̃iꞌi benꞌ lao Simón. LëJudas naꞌ naquëꞌ tuz̃e len ichiptu yaca benꞌ quie Jesús. Lëbëꞌ usedyinnëꞌ Jesús lao naꞌa yaca benꞌ guti lëbëꞌ.