San Marcos 16:11 - Zapotec Choapan

¹¹ Naꞌ cati beyaquëꞌ cabëꞌ gudyi María leyaquëꞌ de que beban Jesús, blëꞌë María lëbëꞌ, biguleyaquëꞌ quienëꞌ.

San Marcos 16:11 ပူးပေါင်းရင်းမြစ်များ

San Mateo 28:17

Lëganꞌ naꞌ blëꞌëjëꞌ Jesús uyonelaꞌadyiꞌjëꞌ lëbëꞌ. Naꞌ nitaꞌ ja benꞌ quienëꞌ biralejëꞌ chi lëbëꞌ.

San Marcos 9:19

Naꞌ una Jesús rëbinëꞌ yaca benꞌ nitaꞌ naꞌ: ―¡Ay, leꞌe benꞌ birale! ¿Bala iza reꞌennan yegaꞌnliaꞌ leꞌe hasta que galele cabëꞌ rniaꞌ? ¿Bala iza reꞌennan suedaꞌ suliaꞌ leꞌe? Uletzexiꞌbiꞌ guidabiꞌ niga.

San Lucas 24:11

Naꞌ biz̃i yaca benꞌ quie Jesús guqueyaquëꞌ calëla canꞌ gudyi yaca nigula leyaquëꞌ. Biguleyaquëꞌ quieyaquëꞌ.

San Lucas 24:41

Pero como danꞌ binegaleyaquëꞌ chi lëbëꞌ, begaꞌnyaquëꞌ rebaneyaquëꞌ redaohueyaquëꞌ, unëꞌ rëbinëꞌ leyaquëꞌ: ―¿Bide lëꞌëtiꞌ quiele gunle lëꞌëtiꞌ gaohuaꞌ?

San Juan 20:25

Lëlenaꞌ yaca benꞌ laguedyinëꞌ, yaca benꞌ quie Jesús, unayaquëꞌ rëbiyaquëꞌ lëbëꞌ: ―Bablëꞌëndoꞌ Señor quiero. Naꞌra una Tomás rëbinëꞌ leyaquëꞌ: ―Bigaledaꞌ babebannëꞌ chi biilëꞌëdaꞌ naꞌanëꞌ ganꞌ guca hueꞌ, naꞌ uquiaꞌ z̃biaꞌ ganꞌ udiyaquëꞌ bdido, lëscanꞌ uquiaꞌ tacaꞌ ruꞌachuꞌunnëꞌ ganꞌ udyibiyaquëꞌ lanza.