San Lucas 24:46 - Zapotec Choapan

⁴⁶ Lenaꞌ unëꞌ rëbinëꞌ leyaquëꞌ: ―Cani rnën lëꞌë guichi laꞌiya quie Diuzi. Rnan decazide gati benꞌ iseꞌelaꞌ Diuzi lao yedyi layu. Te beyudyi naꞌ, yebannëꞌ tatula gaca lao tzona dza.

San Lucas 24:46 ပူးပေါင်းရင်းမြစ်များ

San Mateo 26:24

Decazide gaca quiaꞌ nëꞌëdiꞌ, bichi yugulu benëꞌ, cabëꞌ rnën lëꞌë guichi laꞌiya quie Diuzi. Pero bayëchiꞌ gula ta zaꞌ gaca quie benꞌ usedyin nëꞌëdiꞌ lao naꞌa benꞌ rnabëꞌ. Tadyaꞌacala quienëꞌ chanꞌ biuzunëꞌ lao yedyi layu.

San Lucas 24:44

Naꞌ unëꞌ rëbinëꞌ leyaquëꞌ: ―Baguca quiaꞌ cabëꞌ canꞌ baoniaꞌ leꞌe gaca quiaꞌ dza naꞌla, dza cati nezuliaꞌ leꞌe. Agudyaꞌ leꞌe decazide uzun yugulu diꞌidzaꞌ canꞌ rnan quiaꞌ nëꞌëdiꞌ lëꞌë guichi bë Moisés, len guichi bë yaca profeta, len guichi Salmos.

San Lucas 24:7

Lëdza naꞌ unëꞌ gudyinëꞌ leꞌe decazide usedyin yaca benëꞌ lëbëꞌ lao naꞌa yaca benꞌ rnabëꞌ, naꞌ udaꞌyaquëꞌ lëbëꞌ lëꞌë yaga cruzo, pero bëꞌ gaca lao tzona dza, huebannëꞌ tatula lëbëꞌ, benꞌ bichi yugulu benëꞌ.

San Juan 20:9

Biz̃i binegalendoꞌ ca rnan lëꞌë guichi laꞌiya quie Diuzi ganꞌ rnan de que baꞌalaꞌcazi gati Jesús, huebancazinëꞌ.

Hechos 17:3

Pxiꞌidzeꞌnëꞌ leyaquëꞌ de que con cabëꞌ rna lëꞌë guichi guti yaca benëꞌ benꞌ useꞌelaꞌ Diuzi, pero useban Diuzi lëbëꞌ. Quie lenaꞌ unëꞌ rëbinëꞌ lejëꞌ cani: ―Naca Jesús benꞌ useꞌelaꞌ Diuzi. Quie lëbëꞌ rguixoguiꞌa leꞌe. ―Canaꞌ una Pablo gudyinëꞌ lejëꞌ.

Hechos 4:12

Pues ni tu benꞌ tula biuseꞌelaꞌ Diuzi ta ute uselanëꞌ raꞌo. Tuzi Jesús naꞌ useꞌelaꞌ Diuzi lao yedyi layu ta ute uselanëꞌ raꞌo yeyoro guibá. ―Canaꞌ una Pedro, rëbinëꞌ benꞌ rnabëꞌ.

1 Pedro 1:3

Huero Diuzi, benꞌ naca Xuzi Señor quiero Jesucristo, benꞌ z̃e. Beyëchiꞌlaꞌadyiꞌnëꞌ raꞌo, banaca quiero ca quie benꞌ bagolo tacubi. Lenaꞌ rbezaro dza yeziꞌnëꞌ raꞌo gataꞌ yelaꞌ neban quiero tuzioli cabëꞌ bënëꞌ quie Jesucristo, psebannëꞌ lëbëꞌ.