San Juan 18:38 - Zapotec Choapan

³⁸ Naꞌra una Pilato rëbinëꞌ lëbëꞌ: ―¿Ca bidanꞌ naca tabala? Ude beyudyi pquëpi Pilato Jesús, bero Pilato tatula luꞌu palacio zionëꞌ ga nitaꞌ yaca benꞌ Israel unëꞌ rëbinëꞌ leyaquëꞌ: ―Nëꞌëdiꞌ rniaꞌ leꞌe, nitu xquia binehue benꞌ niga.

San Juan 18:38 ပူးပေါင်းရင်းမြစ်များ

San Mateo 27:24

Cati gucabëꞌ Pilato bisaqueꞌ gaca areglo, lëzi blëꞌënëꞌ bdzaꞌ ja benëꞌ, naꞌ bënëꞌ mandado yexiꞌjëꞌ nisa udibinëꞌ nëꞌë lao ja benëꞌ, unëꞌ rëbinëꞌ lëjëꞌ: ―Binaca cuenda quiaꞌ nëꞌëdiꞌ danꞌ gatinëꞌ. Rniaꞌ leꞌe gabi xquia bënëꞌ. Nacan cuenda quiele.

San Marcos 15:14

Biz̃i naꞌ una Pilato gudyinëꞌ leyaquëꞌ: ―¿Biz̃i xquia bënëꞌ? Pero tatula uredyiyaꞌyaquëꞌ: ―Udaꞌloꞌnëꞌ lëꞌë yaga cruzo.

San Lucas 23:4

Naꞌra una Pilato rëbinëꞌ yaca xanꞌ pxuzi, len yaca los demás benꞌ nitaꞌ naꞌ: ―Gabi dulaꞌ de quie benꞌ niga.

San Juan 18:33

Naꞌra Pilato beyuꞌunëꞌ luꞌu palacio guz̃inëꞌ Jesús unëꞌ rëbinëꞌ lëbëꞌ: ―¿Nacoꞌ rey quie benꞌ Israel?

San Juan 19:4

Naꞌra bro Pilato tatula luꞌu palacio unëꞌ rëbinëꞌ yaca benꞌ Israel: ―Ulenaꞌcara, bequiꞌa benꞌ ni sënëꞌ laole ta inezile bibi nitu xquia binehuenëꞌ.

San Juan 19:6

Ca blëꞌë yaca xanꞌ pxuzi len yaca benꞌ xaga idaoꞌ Jesús, naꞌtera uredyiyaꞌyaquëꞌ unëyaquëꞌ zidzo: ―¡Uledaꞌ benꞌ naꞌ lëꞌë yaga cruzo! ¡Uledaꞌ benꞌ naꞌ lëꞌë yaga cruzo! Biz̃i unë Pilato rëbinëꞌ leyaquëꞌ: ―Ulequiëꞌnëꞌ leꞌe, uledaꞌnëꞌ leꞌe lëꞌë yaga cruzo. Nëꞌëdiꞌ niaꞌ nitu xquia bibi nehuenëꞌ.

Hechos 17:32

Naꞌra cati be yaca benꞌ nitaꞌ naꞌ ca una Pablo unëꞌ pseban Diuzi Jesús, caora naꞌ balayaquëꞌ ptitojëꞌ lëbëꞌ. Pero ibalayaquëꞌ unayaquëꞌ rëbiyaquëꞌ lëbëꞌ: ―Tu dza zezaꞌra uzënagandoꞌ quioꞌ mazera cabëꞌ rnaoꞌ.

1 Pedro 1:19

pero conlë ren quie Cristo yaꞌohue Diuzi raꞌo. Lëbëꞌ gutiguëꞌ lëꞌë yaga cruzo ca gun quie Diuzi ulato ren quienëꞌ. Naquëꞌ ca quie tu becoꞌ z̃iꞌilaꞌ dyaꞌa gula ta hueꞌro Diuzi.