Hechos 20:37 - Zapotec Choapan

³⁷ Caora naꞌ uredyiyaquëꞌ udedyiyaquëꞌ Pablo udaoyaquëꞌ xaguëꞌ situ.

Hechos 20:37 ပူးပေါင်းရင်းမြစ်များ

San Lucas 15:20

Naꞌra bezaꞌbiꞌ beyuꞌubiꞌ neza zeyobiꞌ z̃an yuꞌu quie xuzibiꞌ. ’Nezezaꞌbiꞌ tu neza zituꞌ caora blëꞌë xuzibiꞌ bazezaꞌbiꞌ. Naꞌ beyëchiꞌlaꞌadyiꞌnëꞌ lëbiꞌ zionëꞌ udëdyinëꞌbiꞌ udaonëꞌbiꞌ situ xagabiꞌ.

Romanos 16:16

Quëdyile laguedyile dyëꞌëdi. Gaole xagajëꞌ tu psitu, naꞌ yëbileyaquëꞌ padiux. Yaca los demás benꞌ nao xneza Jesús, benꞌ nitaꞌ yedyi tula, rugapajëꞌ leꞌe diuz̃i.

1 Corintios 16:20

Lëzi yugulu benꞌ bichiro niga, rugaparëyaquëꞌ leꞌe diuz̃i. Ulegapa tu tule laguedyile diuz̃i, gaole xagayaquëꞌ tu situ.

2 Corintios 13:12

Gapale diuz̃i quie quie laguedyile dyëꞌëdi, gaole xagajëꞌ tu psitu.

1 Tesalonicenses 5:26

Ugapale benꞌ bichiro diuz̃i, gaole situ xagayaquëꞌ.

2 Timoteo 1:4

Naꞌra rezalaꞌadyaꞌ cabëꞌ guqueloꞌ bayëchiꞌ caora uniaꞌ luëꞌ bazeyaꞌa. Lenaꞌ reꞌendaꞌ guidaꞌ ideyubaꞌ luëꞌ tatula, porque lega redaohuedaꞌ suliaꞌ luëꞌ.

Apocalipsis 21:4

Bihue Diuzi lato gaca tamala quiejëꞌ. Bira gatijëꞌ, bira cuedyijëꞌ, bira gaca bayëchiꞌ quiejëꞌ, bira ilajëꞌ, como danꞌ aode quie yugulu tagula, babeyulan.

Apocalipsis 7:17

Canaꞌ gaca quiejëꞌ como danꞌ bazë benꞌ naca ca quie becoꞌ z̃iꞌilaꞌ zacaꞌlao ga reꞌ Diuzi xlatoguëꞌ. Rapa benꞌ naca ca quie becoꞌ z̃iꞌilaꞌ lëjëꞌ ca quie benꞌ rapa becoꞌ z̃iꞌilaꞌ quie. Rehuaꞌanëꞌ lëjëꞌ ga zu nisa ta riꞌojëꞌ ta ruꞌen lëjëꞌ yelaꞌ neban quiejëꞌ tuzioli. Bira cuedyijëꞌ, porque barapa Diuzi lëjëꞌ.