Hechos 2:20 - Zapotec Choapan

²⁰ Lëzi huechula obidza, inaꞌ biuꞌ z̃nazi como ca ren. Canaꞌ gaca tu dza antes zaidyin dza hue Diuzi juicio. Naca lëdza naꞌ dza belao, gaca tu ta binelëꞌëro.

Hechos 2:20 ပူးပေါင်းရင်းမြစ်များ

San Mateo 24:29

Naꞌ una Jesús: ―Layeyudyite dza yedzagalaojëꞌ, naꞌra yechula obidza, bira inaꞌ xniꞌ biuꞌ, huaguinu bélo gan dyian, huaz̃isi yugulu ta dyia guibá.

San Mateo 27:45

Naꞌ bechula lao duz̃e ciudad naꞌ. Cadu laꞌodza uzulaon, naꞌ beyudyin ca du las tres quie zadzëꞌ.

San Marcos 13:24

’Pero lëdza naꞌ, cati beyudyi bedzagalaotzegue yaca benëꞌ, huechula obidza bira gataꞌ xniꞌ quie te dza, lëscanꞌ huechula biuꞌ bira gataꞌ xniꞌ biuꞌ.

San Lucas 21:25

―Ude naꞌ huataꞌ ta naca seña ladza. Huechula obidza, bira gataꞌ xniꞌ biuꞌ, huaguino yaca bélo. Huaca tondo yaca benꞌ nitaꞌ lao yedyi layu. Huadzebiyaquëꞌ yeyaquëꞌ xchiꞌ nisadaoꞌ ruen ruꞌbe huala gula ga rbigaꞌ rdan ruꞌa yu bidyi.

Hechos 2:19

Lëzi z̃an guibá uluꞌe Diuzi tu ta yebanro ilëꞌëron. Pues huenëꞌ seña quienëꞌ lao yedyi layu como hualato ren, huayala guiꞌ duz̃e, huabeꞌ dzen ca beola.

Hechos 2:21

Biz̃i yugulu benꞌ ulidza Diuzi, benꞌ rzëto laohuëꞌ, ute usela Diuzi leyaquëꞌ.

1 Corintios 5:5

Reyaꞌalaꞌ yebiole ladole benꞌ bë canaꞌ. Reyaꞌalaꞌ usanlaꞌadyiꞌlenëꞌ gaque quie xanꞌ taxiꞌibiꞌ lënëꞌ tacuenda yedzagalaonëꞌ canꞌ bënëꞌ. Canaꞌ huele quienëꞌ tacuenda gaca yeziꞌ Señor quiero Jesucristo bichi be quienëꞌ dza cati yeguidëꞌ tatula lao yedyi layu.

1 Tesalonicenses 5:2

porque banezile dyëꞌëdi cabëꞌ gaca dza yeguida Jesucristo. Pues caora raque yaca benëꞌ bibi gaca quiejëꞌ, caora naꞌ bigacabëꞌjëꞌ, pero tu sasazi idyin dza yeguida Jesús. Pues idyin dza naꞌ tu sasazi ca quie tu sasazi guida benꞌ uban du rëla du rasi xanꞌ yuꞌu, raquenëꞌ bibi gaca quienëꞌ. Canaꞌ gaca cati idyin dza yeguida Jesús.

2 Pedro 3:10

Cati guida Jesús, tu sasazi guidëꞌ cati guidëꞌ. Guidëꞌ caora raque yaca benëꞌ biguidëꞌ. Guidëꞌ ca guida tu benꞌ uban caora raque benëꞌ nunu benꞌ uban guida. Caora naꞌ huabiaguiꞌ ladza. Huenan ca rue be bedunꞌ z̃e gula bëꞌ rudzeꞌ rchiꞌnan cati bazaꞌn. Lëscanꞌ ta dyia guibá, hueyalan quie tala quie guiꞌ. Huayei yugulu ta de lao yedyi layu. Hue Diuzi juicio lao duz̃eten.

2 Pedro 3:7

Pero cati idyin dza hue Diuzi juicio tatula, huayei yugulute ta de lao yedyi layu lente yugulute ta de guibá. Huachugubëꞌ Diuzi yugulu benꞌ biunao xneza Jesús.

Apocalipsis 16:8

Naꞌra uyo ángel udape yelatonëꞌ copa quienëꞌ lao obidza. Caora naꞌ bëꞌ Diuzi lëbëꞌ fuerza ta uzeinëꞌ yaca benꞌ nitaꞌ lao yedyi layu.

Apocalipsis 6:12

Naꞌra cati pchipa benꞌ naca ca quie becoꞌ z̃iꞌilaꞌ taxopa ga nerio libro naꞌ, caora naꞌ guca tu uz̃uꞌ huala gula, naꞌ beyaca ubidza chula ca tu laꞌariꞌ gaso gula. Lëscanꞌ beyaca biuꞌ rnaꞌn ca ren.