Hechos 10:45 - Zapotec Choapan

^45-46 Naꞌra uzulaoyaquëꞌ rnëyaquëꞌ diꞌidzaꞌ tula, diꞌidzaꞌ binaca quieyaquëꞌ, rulidzayaquëꞌ Diuzi. Naꞌra yaca benꞌ Israel, benꞌ uzaꞌlë Pedro, tu begaꞌnzijëꞌ rebanziyaquëꞌ porque hasta benꞌ tulala, benꞌ binaca benꞌ Israel, uyuꞌurëyaquëꞌ Bichi Be quie Diuzi.

Hechos 10:45 ပူးပေါင်းရင်းမြစ်များ

Hechos 10:23

Naꞌra uz̃iꞌ Pedro leyaquëꞌ luꞌu yuꞌu begaꞌnyaquëꞌ tu yela. Caora cati beteyu, uyasayaquëꞌ ziolë Pedro leyaquëꞌ. Lëzi uquiëꞌrë Pedro chopa tzona benꞌ nao xneza Jesús, benꞌ nitaꞌ yedyi Jope.

Hechos 11:2

Cati bedyin Pedro ciudad Jerusalén, naꞌra yaca benꞌ Israel, benꞌ nao xneza Jesús, udilayaquëꞌ Pedro unayaquëꞌ

Hechos 11:3

rëbiyaquëꞌ lëbëꞌ: ―¿Biquienꞌ uyuꞌuloꞌ luꞌu yuꞌu quie benꞌ tulala, yaca benꞌ binaca benꞌ Israel, udaolaoꞌ tuz̃e len leyaquëꞌ?

Hechos 2:33

Canaꞌ ureꞌnëꞌ zaquëꞌ yebë cuëta Diuzi ga naca xlato benꞌ balaꞌana. Lëscanꞌ useꞌelaꞌ Diuzi Bichi Be quienëꞌ según diꞌidzaꞌ begaꞌnlë Diuzi Jesús dza naꞌ. Por lëbëꞌ bablëꞌële babele yelaꞌ huaca quie Diuzi.

Hechos 2:38

Naꞌra una Pedro rëbinëꞌ leyaquëꞌ: ―Uletzaꞌ pensari quiele, ulehue lato hueꞌndoꞌ laole quie quiele rzëtondoꞌ lao Jesucristo tacuenda yeziꞌz̃e Diuzi dulaꞌ xquia quiele. Canaꞌ udzeꞌnëꞌ Bichi Be quienëꞌ luꞌu guicho laxtaꞌole con cabëꞌ una Diuzi huenëꞌ quiele dza naꞌte.

Romanos 5:5

Zuro contento biyehuëdiro rbezaro yeyoro guibá ga zu Diuzi como danꞌ useꞌelaꞌ Diuzi Bichi Be quienëꞌ, bagucalënëꞌ raꞌo ta idyëꞌëro Diuzi, bayuꞌuro yelaꞌ nedyëꞌë quie Diuzi luꞌu guicho laxtaꞌoro.

Gálatas 2:15

Raꞌo nacaro benꞌ Israel. Binacaro benꞌ binuebëꞌ Diuzi cabëꞌ naca yaca los demás benꞌ zaꞌ yedyi tula.

Efesios 2:11

Quie lenaꞌ reyaꞌalaꞌ yezaꞌlaꞌadyiꞌle cabëꞌ guca quiele dza naꞌ. Cala benꞌ Israel leꞌe. Bizu tu xëdyidaoꞌ cuinle cabëꞌ mandado rue lao ley quie benꞌ Israel. Quie lenaꞌ biblëꞌë benꞌ Israel leꞌe dyaꞌa, como danꞌ yugulu benꞌ Israel bazu xëdyidaoꞌ cuinyaquëꞌ. Tanun quie lenaꞌ nayaquëꞌ benꞌ quie Diuzi lëjëꞌ, naꞌ leꞌe binuebëꞌle Diuzi nayaquëꞌ.